კურიერი
14 Kas tarihinde yayınlandı (15 gün kaldı) 29 Kas tarihine kadar başvurun
DHL-ის საქართველოს წარმომადგენლობა, კომპანია შპს "ჯორჯიან ექსპრესი" აცხადებს ვაკანსიას კურიერის პოზიციაზე ფოთში.
თუ ხარ პასუხისმგებლიანი, მოწესრიგებული, კომუნიკაბელური და გიყვარს დინამიკურ გარემოში მუშაობა - შემოგვიერთდი DHL-ის გუნდში!
რას გთავაზობთ?
- ფიქსირებული ხელფასი - 1, 200 ლარი + გამომუშავებაზე დამოკიდებული ბონუსი;
- სამსახურებრივი ავტომობილით უზრუნველყოფა;
- კომპანიის ავტომობილი დაზღვეულია;
- ულიმიტო სასაუბრო პაკეტი სამუშაო მობილურ ნომერზე;
- ჯანმრთელობის დაზღვევა.
სამუშაო პირობები
- სამუშაო გრაფიკი: სრული განაკვეთი;
- ორშაბათი-პარასკევი: 09:30-18:30;
- შაბათი: 10:00-14:00 (მცოცავი);
- სამუშაო ადგილი: ფოთი.
ძირითადი მოვალეობები
- საკურიერო მომსახურების გაწევა ფიზიკური და იურიდიული პირებისათვის;
- ჩამოსული ამანათების დახარისხება;
- მიწოდების მარშრუტის დაგეგმვა;
- ამანათების და დოკუმენტების უსაფრთხოდ მიწოდება;
- ზუსტი ჩანაწერების წარმოება, გზავნილის სტატუსის განახლება;
- კლიენტების კონსულტაცია და დახმარების გაწევა;
- გასაგზავნი დოკუმენტაციისა და ამანათის წამოღება მისამართიდან;
- კომპანიის სტანდარტებისა და მომსახურების ხარისხის დაცვა.
საკვალიფიკაციო მოთხოვნები
- კოლეჯი ან უმაღლესი განათლება;
- სასურველია აღნიშნულ პოზიციაზე გამოცდილება;
- მართვის მოწმობა - B კატეგორია, მექანიკური მართვის. (დამატებითი კატეგორიების ფლობა ჩაითვლება უპირატესობად);
- სატრანსპორტო საშუალების მართვის გამოცდილება, გზებისა და საგზაო მოძრაობის წესების კარგად ცოდნა;
- სტანდარტული პროგრამული უზრუნველყოფის აპლიკაციებით სარგებლობის გამოცდილება;
- სასურველია რუსული და ინგლისური ენების საკომუნიკაციო დონეზე ცოდნა.
ჩვენთვის მნიშვნელოვანია
- პასუხისმგებლიანობა და პუნქტუალურობა;
- დროის ეფექტურად მართვისა და სამუშაოს დაგეგმვის უნარი;
- დეტალებზე ორიენტირებულობა;
- მომხმარებელზე და ხარისხიან მომსახურებაზე ორიენტირებულობა;
- სწრაფად სწავლისა და ახალი ინფორმაციის ათვისების უნარი;
- გუნდური მუშაობის უნარი;
- დინამიკურ გარემოში ეფექტურად მუშაობის უნარი.
დაინტერესებულ პირებს გთხოვთ, გამოაგზავნეთ თქვენი რეზიუმე 29 ნოემბრის ჩათვლით მისამართზე და სათაურის ველში მიუთითეთ პოზიციის დასახელება, რათა მოხდეს თქვენი კანდიდატურის განხილვა.
კანდიდატის პერსონალური მონაცემების დამუშავებისას DHL-ის საქართველოს წარმომადგენლობა კომპანია შპს "ჯორჯიან ექსპრესი" ხელმძღვანელობს პერსონალური მონაცემების დაცვის საერთაშორისო სტანდარტებით. პერსონალური მონაცემების დამუშავების მიზანია დადგინდეს კანდიდატის შესაბამისობა ვაკანსიის მოთხოვნებთან. DHL-ის საქართველოს წარმომადგენლობა კომპანია შპს "ჯორჯიან ექსპრესი"-ში კანდიდატის მონაცემები ინახება არაუმეტეს 6 თვის ვადით.