ტექნიკოსი

ღონისძიებების/ივენთების ტექნიკური უზრუნველყოფის მიმართულებით მომუშავე კომპანია "Setuperi" აცხადებს ვაკანსიას ტექნიკოსის პოზიციაზე.

ვეძებთ პასუხისმგებლობიან, შრომისმოყვარე და ტექნიკით დაინტერესებულ ადამიანს, რომელსაც სურვილი აქვს ისწავლოს პროფესია პრაქტიკაში და განვითარდეს ტექნიკურ სფეროში.

სამუშაო გრაფიკი: არასტანდარტული — სამუშაო დრო და დატვირთვა დამოკიდებულია დაგეგმილი ღონისძიებების რაოდენობასა და გრაფიკზე.

ანაზღაურების დეტალებს შერჩეულ კანდიდატებთან გასაუბრებაზე გავივლით.

რას ისწავლით და რა მიმართულებით მოგიწევთ მუშაობა:

• LED ეკრანების მონტაჟი, დემონტაჟი, ტექნიკური გამართვა;
• გახმოვანების სისტემების აწყობა, გამართვა და ღონისძიებაზე ტექნიკური მართვა;
• LED ეკრანებისთვის პოდიუმის და შესაბამისი კონსტრუქციების აწყობა;
• სხვადასხვა ტექნიკური სამუშაოს შესრულება ღონისძიების სპეციფიკის შესაბამისად.
• ჩვენთან მუშაობის ერთ-ერთი მთავარი უპირატესობაა ის, რომ გამოცდილება აუცილებელი არ არის.
• თუ აღნიშნულ სფეროში მუშაობის გამოცდილება არ გაქვთ, ეს არ წარმოადგენს დაბრკოლებას.
• კომპანიის ტექნიკური ხელმძღვანელი პრაქტიკულად, უშუალოდ სამუშაო პროცესში გასწავლით ყველა საჭირო მიმართულებას და ეტაპობრივად დაგეხმარებათ პროფესიული უნარების განვითარებაში.

დაინტერესებულ პირს მნიშვნელოვანია ჰქონდეს:

• სწავლისა და განვითარების სურვილი;
• პასუხისმგებლობიანი დამოკიდებულება საქმის მიმართ;
• შრომისმოყვარეობა და დისციპლინა;
• გუნდში მუშაობის უნარი;
• ტექნიკისა და ტექნიკური სამუშაოებისადმი ინტერესი;
• ფიზიკური დატვირთვისთვის და არასტანდარტული სამუშაო განრიგისთვის მზადყოფნა.

თუ გსურთ დაეუფლოთ ახალ პროფესიას, მიიღოთ პრაქტიკული გამოცდილება და განვითარდეთ ღონისძიებების ტექნიკური უზრუნველყოფის სფეროში, დაგვიკავშირდით და გამოგვიგზავნეთ თქვენი რეზიუმე შემდეგ ელექტრონულ მისამართზე ან დაგვიკავშირდით ნომერზე.