მებაღე - დეკორატიული

"საქართველოს ეროვნული ბოტანიკური ბაღი" არის კულტურული მემკვიდრეობის ძეგლი, სამეცნიერო-კვლევითი, ეკოსაგანმანათლებლო დაწესებულება, რომელიც დედაქალაქის ერთ-ერთი გამორჩეული ღირსშესანიშნაობაა.

ა (ა)იპ "საქართველოს ეროვნული ბოტანიკური ბაღი" აცხადებს ვაკანსიას დეკორატიულ მცენარეთა კოლექციების და ბაღის გაფორმების განყოფილებაში მებაღის პოზიციაზე.

სამუშაო ადგილი: ქ. თბილისი, ბოტანიკურის ქ. #1 სამუშაო გრაფიკი: სრული, ორშაბათი-პარასკევი 08:30-17:30 ანაზღაურება: 1520 ლარი (დარიცხული)*

*შენიშვნა: დარიცხულ თანამდებობრივ სარგოს აკლდება საქართველოს კანონმდებლობით გათვალისწინებული გადასახადები

ფუნქცია-მოვალეობები:

• საკოლექციო/დეკორატიულ ნაკვეთებზე აგროტექნიკური და სანიტარული სამუშაოების შესრულება (მორწყვა, ნიადაგის დამუშავება, გასხვლა, მარგვლა, დასუფთავება);
• მცენარეების თესვა, დარგვა-გადარგვა და სარგავი მასალის მომზადება/შენახვა;
• ტერიტორიის ფიტოსანიტარული მონიტორინგი, მცენარეების დასახელებების ცოდნა და ჯგუფურ სამუშაოებში მონაწილეობა.

საკვალიფიკაციო მოთხოვნები:

• არასრული ან სრული პროფესიული განათლება;
• სასურველია მინიმუმ ერთწლიანი სამუშაო გამოცდილება მსგავს პოზიციაზე (სარეკომენდაციო წერილი).

პიროვნული უნარები:

• საბაღე ინვენტართან და აქტიურ სამუშაო გარემოში მუშაობის უნარი;
• გუნდური მუშაობის, დროის ეფექტურად მართვისა და ორგანიზების უნარი;
• პასუხისმგებლობის მაღალი გრძნობა.

ჩვენ გთავაზობთ:

• სასიამოვნო სამუშაო გარემოს;
• კარიერული და პროფესიული წინსვლის პერსპექტივას.

შერჩევის მეთოდები:

• სატელეფონო გასაუბრება;
• ინდივიდუალური გასაუბრება.

როგორ მიიღოთ მონაწილეობა:

დაინტერესების შემთხვევაში, გთხოვთ, გამოგზავნოთ რეზიუმე (CV) შემდეგ ელექტრონულ მისამართზე 2026 წლის 21 ოქტომბრის ჩათვლით.

მნიშვნელოვანია: გთხოვთ, სათაურის ველში "subject"-ში მიუთითოთ პოზიციის დასახელება (მებაღე).

• * გაცნობებთ, რომ ა (ა)იპ საქართველოს ეროვნული ბოტანიკური ბაღის (ს/ნ 404405960) მიერ, თქვენი პერსონალური მონაცემები მუშავდება, მათ შორის, ხდება მათი შეგროვება, გადამოწმება და შენახვა თქვენი განაცხადის განხილვისა და კანდიდატთა შერჩევა/დასაქმებისთვის საჭირო პროცედურების წარმართვის მიზნით, "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად.

თქვენი განაცხადი/CV და მასში მოცემული პერსონალური მონაცემები, კანონმდებლობით დადგენილი მოთხოვნებიდან გამომდინარე, მათ შორის, კონკურსის შედეგებთან დაკავშირებით სამართლებრივი დავის პროცესის უზრუნველყოფის მიზნით, ჩვენ მიერ შეინახება კონკურსის დასრულებიდან 1 წლის განმავლობაში.

დამატებით გაცნობებთ, რომ თქვენთვის უზრუნველყოფილია "პერსონალურ მონაცემთა დაცვის შესახებ" საქართველოს კანონის III თავით გათვალისწინებული უფლებები.