რედაქტორის ასისტენტი

სსიპ - "საქართველოს ეროვნული მუზეუმის" შ. ამირანაშვილის სახელობის საქართველოს ხელოვნების სახელმწიფო მუზეუმი აცხადებს ვაკანსიას რედაქტორის ასისტენტის პოზიციაზე.

სამუშაო პირობები

• ადგილების რაოდენობა - 1;
• გამოსაცდელი ვადა: 3 თვე;
• სამუშაო გრაფიკი: კვირაში 5 დღე, ხელმძღვანელთან შეთანხმებული გრაფიკის შესაბამისად;
• ანაზღაურება: 1100 (ათას ასი) ლარი (საქართველოს კანონმდებლობით გათვალისწინებული გადასახადების ჩათვლით);
• სამუშაო ადგილი: ქ. თბილისი, ლადო გუდიაშვილის N1.

საკვალიფიკაციო მოთხოვნები

• უმაღლესი განათლება ფილოლოგიის, ჰუმანიტარულ, სოციალურ მეცნიერებათა, ჟურნალისტიკის ან შესაბამის სფეროში;
• სასურველია საგამომცემლო, სარედაქციო ან ტექსტებთან მუშაობის მიმართულებით მუშაობის გამოცდილება;
• სახელმწიფო ენის სრულყოფილი ცოდნა;
• სასურველია ინგლისური ენის ცოდნა.

უნარ-ჩვევები

• პასუხისმგებლობის მაღალი გრძნობა;
• შრომისმოყვარეობა;
• წერილობითი და ზეპირი კომუნიკაციის კარგი უნარი;
• ტექსტების დამუშავების, კორექტირებისა და რედაქტირების უნარი;
• ინფორმაციის მოძიების, დამუშავებისა და სისტემატიზაციის უნარი;
• დეტალებზე ორიენტირებულობა და პასუხისმგებლობის მაღალი გრძნობა.

ფუნქცია-მოვალეობები

• სახელოვნებათმცოდნეო-საისტორიო ტექსტების (კატალოგების, მონოგრაფიების, საპროექტო, ასევე, საგამოფენო მოკლე ტექსტების) კორექტირება;
• ტექსტების ენობრივი, სტილისტური და ტექნიკური გამართვა;
• რედაქტორისთვის სარედაქციო მასალების მომზადება და შესაბამისი ინფორმაციის მიწოდება;
• სამუზეუმო ტექსტების დამოუკიდებლად რედაქტირება.

კონკურსის ეტაპები

• განცხადების გადარჩევა;
• გასაუბრება და წერითი დავალება.

დაინტერესების შემთხვევაში გთხოვთ, გამოაგზავნოთ ქართულ ენაზე CV შემდეგი ელექტრონული ფოსტის მისამართზე.

გთხოვთ, აღწერაში მიუთითოთ პოზიციის დასახელება.