კორპორატიული გაყიდვების მენეჯერი

"REGON" არქიტექტურული ფასადის მასალების იმპორტისა და დისტრიბუციის მიმართულებით საქმიანობს. ჯგუფში შემავალ კომპანიებთან ერთად, REGON უზრუნველყოფს შენობების ფასადების სრულ მიწოდების ჯაჭვს — მასალების შერჩევიდან და მომარაგებიდან ტექნიკური გადაწყვეტილებებისა და პროექტის განხორციელების ჩათვლით.

პოზიციის მიზანი:

კორპორატიული კლიენტების მოზიდვა, სამშენებლო და დეველოპერულ კომპანიებთან გრძელვადიანი პარტნიორული ურთიერთობების ჩამოყალიბება, გაყიდვების ზრდისა და ბიზნესის ეფექტური ფუნქციონირების უზრუნველყოფა.

სამუშაო პირობები:

• ანაზღაურება: ფიქსირებული 2, 500 ლარი + ბონუსი
• სამუშაო ადგილი: თბილისი, ორხევი
• სამუშაო გრაფიკი: ორშაბათი-პარასკევი, 10:00-18:00

ძირითადი მოვალეობები:

• კომპანიის საქმიანობისა და არსებული კომერციული შესაძლებლობების შეფასების საფუძველზე ორწლიანი გაყიდვების გეგმის შემუშავება დამფუძნებლებთან ერთად;
• დამტკიცებული გეგმის შესაბამისად გაყიდვების ზრდაზე ორიენტირებული აქტივობებისა და სამოქმედო პრიორიტეტების განსაზღვრა;
• სამშენებლო და დეველოპერულ სექტორში პოტენციური კლიენტებისა და პროექტების იდენტიფიცირება და შესაბამისი მონაცემთა ბაზის მართვა;
• კორპორატიულ კლიენტებთან საქმიანი ურთიერთობების განვითარება, მათი საჭიროებების შესწავლა და შესაბამისი პროდუქტებისა და ტექნიკური გადაწყვეტილებების შეთავაზება;
• კომერციული შეთავაზებების მომზადება, მოლაპარაკებების წარმოება და გაყიდვების პროცესის მართვა;
• კომპანიის საინჟინრო და საოპერაციო გუნდებთან თანამშრომლობა კლიენტებისთვის ოპტიმალური შეთავაზებების მოსამზადებლად;
• გაყიდვების შედეგების პერიოდული შეფასება, გეგმის შესრულების მონიტორინგი და ხელმძღვანელობისთვის ანგარიშგება.

საკვალიფიკაციო მოთხოვნები:

• კორპორატიულ გაყიდვებში მინიმუმ 3-წლიანი სამუშაო გამოცდილება;
• სამშენებლო სექტორში, სამშენებლო მასალების ან ტექნიკური პროდუქტების გაყიდვებში გამოცდილება ჩაითვლება უპირატესობად;
• კორპორატიულ კლიენტებთან მოლაპარაკებებისა და საქმიანი ურთიერთობების მართვის გამოცდილება;
• კორპორატიულ კლიენტებთან საქმიანი შეხვედრებისა და ბიზნესღონისძიებების ორგანიზება, მათ შორის ბიზნესლანჩების დაგეგმვა და ჩატარება, პარტნიორული ურთიერთობების განვითარების მიზნით;
• კომერციული შეთავაზებების მომზადებისა და პრეზენტაციის უნარი;
• საოფისე პროგრამების ცოდნა;
• ინგლისური ან რუსული ენის ცოდნა;
• უმაღლესი განათლება ბიზნესის, მშენებლობის, ინჟინერიის ან არქიტექტურის მიმართულებით სავალდებულოა.

პიროვნული და პროფესიული უნარები:

• კომუნიკაციისა და მოლაპარაკებების წარმოების უნარი;
• ორგანიზებულობა და დროის ეფექტიანი მართვა;
• ანალიტიკური აზროვნება და პრობლემების გადაჭრის უნარი;
• შედეგზე და კლიენტზე ორიენტირებულობა;
• ინიციატივის გამოჩენისა და ახალი ბიზნესშესაძლებლობების აღმოჩენის უნარი;
• გუნდური მუშაობის უნარი და მაღალი პასუხისმგებლობის გრძნობა.

ჩვენ გთავაზობთ:

• საერთაშორისო ბრენდებთან და მომწოდებლებთან მუშაობის გამოცდილებას;
• პროფესიული განვითარების შესაძლებლობას;
• ბიზნესის განვითარებაში მონაწილეობას და შესაბამისი performance/project-based bonus სისტემას.

პოზიცია ექვემდებარება მმართველ პარტნიორს.

დაინტერესების შემთხვევაში, გთხოვთ, გამოაგზავნოთ თქვენი CV ელ. ფოსტაზე.