უმცროსი სამუშაოთა მწარმოებელი

სამშენებლო კომპანია "ადლი" - ხარისხიანი და ეკომეგობრული მშენებლობის დაწყების მიზნით, 2015 წლიდან ოპერირებს ქართულ სამშენებლო ბაზარზე.

კომპანიის საქმიანობა მოიცავს სამშენებლო სფეროს ისეთ ძირითად მიმართულებებს, როგორიცაა: კარკასული მშენებლობა, ფასადის მოწყობა, თერმო და ხმის იზოლაცია, ბრტყელი გადახურვა, მწვანე გადახურვა, არქიტექტორული მომსახურება, საყალიბე სისტემებისა და მოცულობითი ხარაჩოების დაპროექტება - მონტაჟი, კოშკურა ამწეებისა და პერიმეტრის დამცავი ბადეების მონტაჟი/დემონტაჟი და გეგმიური მომსახურება.

ჩვენთან დასაქმებით გპირდებით:

• მზარდ და მუდმივად განვითარებად ბიზნესში მუშაობის გამოცდილებას;
• პროფესიონალ და მხარდამჭერ გუნდში განვითარების შესაძლებლობას;
• კონკურენტულ და მზარდ შრომის ანაზღაურებას;
• კომპანიის მიერ დაფინანსებულ ჯანმრთელობის დაზღვევის პაკეტს;
• კომპანიის მიერ დაფინანსებულ, მობილურის ულიმიტო კორპორაციულ პაკეტს;
• Fitpass-ით სარგებლობის შესაძლებლობას;
• შვებულების 24 სამუშაო დღესა და დამატებით 4 Day Off -ს;
• ყოველთვიურ ფინანსურ დანამატს არასრულწლოვან შვილებზე.

სამშენებლო კომპანია "ადლი"-ში ვეძებთ: ენერგიულ, მოტივირებულ და შრომისმოყვარე გუნდის წევრს უმცროსი სამუშაოთა მწარმოებლის პოზიციაზე.

ძირითადი ფუნქცია-მოვალეობები:

• ობიექტზე მშენებლობის დაგეგმვის, მართვისა და კონტროლის პროცესში მონაწილეობა;
• მიმდინარე და შესრულებული სამუშაოების ხარისხის კონტროლში მონაწილეობა;
• შესასრულებელი სამუშაოების გეგმების, ნახაზებისა და პროექტების შესწავლა/წაკითხვა;
• სამშენებლო სამუშაოების განსახორციელებლად საჭირო აქტებისა და ფორმა 2-ის შედგენის შესწავლა;
• პროექტის ყველა მნიშვნელოვანი ფაზისთვის საჭირო ღონისძიების გაწერის პროცესში მონაწილეობა და მათი შესრულებისათვის საჭირო ვადების დადგენა/შესრულება;
• სამშენებლო ობიექტებზე, კონტრაქტორების, ქვეკონტრაქტორებისა და მუშა-პერსონალის ყოველდღიური საქმიანობის დაგეგმვა-კონტროლის პროცესში მონაწილეობა;
• სამშენებლო ობიექტებზე უსაფრთხოების ტექნიკის დაცვა და დაცვაზე პასუხისმგებელი პირის, უსაფრთხოების ინჟინრის საქმიანობის კონტროლში ჩართულობა;
• სამშენებლო ობიექტებზე ეტაპობრივად შესასრულებელი სამუშაოების შეჯამება და უშუალო ხელმძღვანელთან რეპორტინგი;
• მუშა მომსახურების მიერ შესრულებული სამუშაოების და ასანაზღაურებელი ხელფასების მოთხოვნების უწყისების შედგენა და წარდგენა უშუალო ხელმძღვანელთან;
• გაუთვალისწინებელი ტექნიკური პრობლემების გადაჭრაში მონაწილეობა;
• სამშენებლო ობიექტის დეტალური აზომვაში მონაწილეობა, შესრულებული და შესასრულებელი სხვადასხვა სამუშაოს რეალური მოცულობის დადგენაში ჩართულობა;
• ყოველთვიური გეგმა-გრაფიკის საფუძველზე, შესასყიდი მასალების და მომსახურების შეკვეთა და მიღების კონტროლი.

საკვალიფიკაციო მოთხოვნები:

• უმაღლესი განათლება სამშენებლო მიმართულებით (განიხილება ბაკალავრიატის დამამთავრებელი კურსის სტუდენტიც)
• სამშენებლო კონსტრუქციული ნახაზების წაკითხვის უნარი;
• პროგრამების - Microsoft Suit, Autocad სამომხმარებლო დონეზე ცოდნა;
• სამშენებლო სექტორში მუშაობის მინიმალური გამოცდილება (განიხილება სტაჟირება გავლილი კანდიდატიც)

პიროვნული უნარები:

• ორგანიზებულობა და მაღალი პასუხისმგებლობის გრძნობა;
• დეტალებზე ორიენტირებულობა და სიზუსტე სამუშაო პროცესში;
• დავალებების გაცემისა და სამშენებლო პროცესების ხარისხზე ორიენტირებული მართვის უნარი;
• დავალებების გაცემისა და შესრულების კონტროლის უნარი;
• სწავლასა და განვითარებაზე ორიენტირებულობა;
• გუნდური და ინდივიდუალური მუშაობის უნარი.

დაინტერესების შემთხვევაში, გთხოვთ გამოაგზავნოთ თქვენი CV ელექტრონულ მისამართზე და სათაურის ველში მიუთითოთ პოზიციის დასახელება: "უმცროსი სამუშაოთა მწარმოებელი".

განაცხადის შემოტანის ბოლო ვადაა: 03 ოქტომბერი, 2026წ..

გთხოვთ გაითვალისწინეთ, რომ გასაუბრება ჩატარდება მხოლოდ შერჩეულ კანდიდატებთან.

კომპანიის შესახებ დამატებითი ინფორმაციისთვის, შეგიძლიათ ეწვიოთ ვებ-გვერდს: https://adli.ge/

შენიშვნა: პირის მიერ ავტობიოგრაფიის (CV) გამოგზავნა გულისხმობს მის მიერ პერსონალური მონაცემების დამსაქმებლისთვის გადაცემას და აღნიშნული მონაცემების დამუშავებაზე თანხმობის გაცხადებას. ავტობიოგრაფიაში მითითებული პერსონალური მონაცემები დამსაქმებლის მიერ დამუშავებული/შენახული იქნება მხოლოდ ვაკანსიაზე კანდიდატის შერჩევის მიზნით, შესასრულებელ სამუშაოსთან კანდიდატის შესაბამისობის დადგენის მიზნით, შესაძლო შრომითი ურთიერთობის წარმოშობის, შრომითი ურთიერთობის მთელი პერიოდის განმავლობაში, ასევე შრომითი ურთიერთობიდან გამომდინარე მიზნებისათვის. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება მხოლოდ შესაბამისი უფლებამოსილების მქონე პირებისა და/ან თანამშრომლების მიერ. კანდიდატის პერსონალური მონაცემების დამუშავება განხორციელდება 6 თვის ვადით, ხოლო შენახვა გონივრული ვადით ელექტრონული და/ან ამობეჭდილი სახით.

სამშენებლო კომპანია "ადლი", კანდიდატთა შერჩევის პროცესს ახორციელებს საქართველოს კანონმდებლობის თანახმად, პირთა მიმართ თანაბარი მოპყრობის პრინციპების დაცვით და გამორიცხავს კანდიდატთა მიმართ დისკრიმინაციას ნებისმიერი ნიშნით.

მადლობას გიხდით ჩვენი ვაკანსიით დაინტერესებისათვის და გისურვებთ წარმატებას!