სამედიცინო ტექნიკის ინჟინრის ასისტენტი

მაღალტექნოლოგიური ჰოსპიტალი მედცენტრი აცხადებს ვაკანსიას სამედიცინო ტექნიკის ინჟინრის ასისტენტის პოზიციაზე.

ადგილმდებარეობა: ქ.ბათუმი, შ.პ.ს "მაღალტექნოლოგიური ჰოსპიტალი მედცენტრი" განყოფილება: ტექნიკური დეპარტამენტი სამუშაო გრაფიკი: სრული

პოზიციის მიზანი:

წამყვანი სამედიცინო ტექნიკის ინჟინრის მხარდაჭერა კლინიკის სამედიცინო და დიაგნოსტიკური აპარატურის ყოველდღიურ მომსახურებაში; გეგმიურ-პროფილაქტიკურ სამუშაოებში (PPM) მონაწილეობა, მარტივი ტექნიკური პრობლემების აღმოფხვრა და ტექნიკური დოკუმენტაციის წარმოება.

ძირითადი მოვალეობები და პასუხისმგებლობები

ტექნიკური მხარდაჭერა და მონიტორინგი:

სამედიცინო აპარატურის (პაციენტის მონიტორები, ინფუზომატები, ლაბორატორიული ტექნიკა და სხვ.) ყოველდღიური შემოწმება და გამართულობის კონტროლი. წამყვანი ინჟინრის მეთვალყურეობით ახალი აპარატურის ინსტალაციაში, აწყობასა და ტესტირებაში მონაწილეობის მიღება.

გეგმიური მომსახურება (PPM) და მარტივი რემონტი:

• აპარატურის გეგმიურ-პროფილაქტიკურ წმენდასა და ტექნიკურ დათვალიერებაში მონაწილეობა.
• მარტივი მექანიკური და ელექტრული ხარვეზების დიაგნოსტიკა და აღმოფხვრა ინჟინრის მითითებით.
• დაზიანებული კაბელების, კვების ბლოკების, სენსორებისა და სახარჯი მასალების შემოწმება/ჩანაცვლება.

დოკუმენტაცია და ინვენტარიზაცია:

• სამედიცინო ტექნიკის აღრიცხვის ჟურნალებისა და სერვის-ისტორიის წარმოება.
• სათადარიგო ნაწილების, ინსტრუმენტებისა და სახარჯი მასალების ბაზის კონტროლი და ინვენტარიზაცია.

პირველადი კომუნიკაცია: სამედიცინო პერსონალისგან შემოსულ ტექნიკურ გამოძახებებზე პირველადი რეაგირება და პრობლემის იდენტიფიკაცია.

საკვალიფიკაციო მოთხოვნები:

განათლება და ცოდნა:

• უმაღლესი ან პროფესიული განათლება (ან დამამთავრებელი კურსის სტუდენტი) ბიოსამედიცინო ინჟინერიის, ელექტრონიკის, ელექტროტექნიკის ან მექატრონიკის, ან მომიჯნავე სპეციალობის მიმართულებით.
• ელექტრონიკისა და ელექტროტექნიკის საბაზისო პრინციპების ცოდნა.
• ტექნიკური ინგლისური ენის საბაზისო/საშუალო დონეზე ცოდნა (ინსტრუქციებისა და მანუალების გასაგებად).
• კომპიუტერული ოპერაციული სისტემებისა და საოფისე პროგრამების ცოდნა.

გამოცდილება:

• სამუშაო გამოცდილება სავალდებულო არ არის (ჩაითვლება უპირატესობად ტექნიკურ სფეროში, თუნდაც სტაჟირების ან ლაბორატორიული პრაქტიკის სახით).
• სარჩილავ ინსტრუმენტებთან (სალნიკი/ფენი) და საზომ ხელსაწყოებთან (მულტიმეტრი) მუშაობის საბაზისო უნარი ჩაითვლება დიდ პლუსად.

პიროვნული უნარები და კომპეტენციები:

• ახალი ტექნოლოგიების სწრაფად ათვისებისა და სწავლის სურვილი.
• დეტალებზე ორიენტირებულობა და პასუხისმგებლობის მაღალი გრძნობა.
• გუნდური მუშაობისა და ინსტრუქციების ზუსტად შესრულების უნარი.
• პუნქტუალურობა და ოპერატიულობა.

დაინტერესების შემთხვევაში გთხოვთ, გამოაგზავნოთ თქვენი რეზიუმე აღნიშნულ ელ. ფოსტაზე და სათაურის ველში მიუთითეთ ვაკანსიის დასახელება.

განაცხადის მიღების ბოლო ვადა: 17/10/2026

გაცნობებთ, რომ კომპანია "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, ვაკანსიაზე კანდიდატის შესაბამისობის დადგენის მიზნით, ახორციელებს კანდიდატის პერსონალური მონაცემების დამუშავებას.

ინფორმაცია კანდიდატის შესახებ ასევე შესაძლოა დამუშავდეს სამომავლო ვაკანსიაზე კანდიდატის შესაბამისობის დადგენის მიზნით. ინფორმაცია კანდიდატის შესახებ ინახება არაუმეტეს 3 წლის ვადით.

იმ შემთხვევაში თუ არ გსურთ მონაცემთა შემდგომი დამუშავება ან გსურთ არსებული მონაცემების ცვლილება/წაშლა, გთხოვთ მოგვმართოთ.

გისურვებთ წარმატებას!