სპონსორებთან და პარტნიორებთან ურთიერთობის მენეჯერი
საქართველოს სამოყვარულო ფეხბურთის ასოციაცია აცხადებს ვაკანსიას სპონსორებთან და პარტნიორებთან ურთიერთობის მენეჯერის პოზიციაზე. ჩვენ უკვე 11 წელია ვქმნით და ვავითარებთ მასშტაბურ სპორტულ პროექტებსა და ჩემპიონატებს, მთელი ქვეყნის მასშტაბით. მათ შორისაა მოყვარულთა ლიგა - საქართველოს სამოყვარულო საფეხბურთო ჩემპიონატი (11X11), ასევე, სასკოლო პერსონალის ლიგა.
თუ გაქვს გაყიდვების გამოცდილება, გიყვარს სპორტი და გსურს შენი წვლილი შეიტანო ქვეყანაში მასობრივი ფეხბურთის განვითარებასა და ჯანსაღი ცხოვრების წესის პოპულარიზაციაში — ეს პოზიცია შენთვისაა!
ვაკანსიის დასახელება: სპონსორებთან და პარტნიორებთან ურთიერთობის მენეჯერი (Partnership & Sponsorship Manager) მდებარეობა: თბილისი სამუშაო გრაფიკი: მოქნილი (შეთანხმებით)
ძირითადი მოვალეობები
- პოტენციური სპონსორებისა და კორპორატიული პარტნიორების მოძიება, მოლაპარაკებების წარმოება და გრძელვადიანი ურთიერთობების დამყარება.
- კომერციული შეთავაზებებისა (Sponsorship Packages) და პრეზენტაციების მომზადება ბიზნეს სექტორისთვის.
- ასოციაციის მიმდინარე და სამომავლო ტურნირებისთვის (მთავარი: მოყვარულთა ლიგა) ფინანსური და მატერიალური მხარდამჭერების მოზიდვა.
- სპონსორებისთვის მარკეტინგული აქტივობებისა და შეთავაზებული პაკეტების (ბრენდინგები, ღონისძიებებში ინტეგრაცია) უზრუნველყოფა და მონიტორინგი.
საკვალიფიკაციო მოთხოვნები
- მინიმუმ 1-2 წლიანი სამუშაო გამოცდილება B2B გაყიდვების, კორპორატიული პარტნიორობის, მარკეტინგის ან ბიზნეს-განვითარების მიმართულებით.
- მოლაპარაკებების წარმატებით წარმოებისა და დარწმუნების უნარი.
- გამართული წერითი და მეტყველების უნარი (ქართული ენა; ინგლისური ენის ცოდნა ჩაითვლება უპირატესობად).
- საოფისე კომპიუტერული პროგრამების (PowerPoint / Canva პრეზენტაციების მოსამზადებლად) კარგი ფლობა.
- "ნეთვორქინგი" - კონტაქტების გარკვეული, მზარდი ბაზა.
- აქტიური, ენერგიული და შედეგზე ორიენტირებული ხასიათი.
ჩვენ გთავაზობთ
- კონკურენტულ ანაზღაურებას (ფიქსირებული + ბონუსური სისტემა მოზიდული სპონსორებიდან გამომდინარე).
- ორგანიზაციის კორპორატიულ ნომერს.
- მოქნილ სამუშაო გრაფიკს და დინამიკურ, სპორტულ გარემოს.
- პროფესიული ზრდისა და საინტერესო კორპორატიული კონტაქტების დამყარების შესაძლებლობას.
როგორ უნდა გამოგზავნოთ განაცხადი:
დაინტერესებულ კანდიდატებს გთხოვთ, გამოგზავნოთ თქვენი CV (რეზიუმე) ფოტოსურათით ელექტრონულ მისამართზე და სათაურის ველში (Subject) აუცილებლად მიუთითეთ სიტყვა - ვაკანსია.
განაცხადების მიღების ბოლო ვადაა: 22 ნოემბერი.