3D მხატვარი
ახალი სათამაშო სტუდია ფერსტ ემბერ სტუდიო ეძებს გამოცდილ 3D მხატვარს. ნულიდან ვქმნით კოოპერაციულ თამაშებს და გვსურს ისეთი მექანიკების შემუშავება, რომლებიც მოთამაშეებისთვის შთამბეჭდავი იქნება.
რას გააკეთებთ
- შექმნით იარაღს, თავდაცვით კოშკურებს (ტურელებს), ხაფანგებს, შენობებსა და გარემოს სხვა ელემენტებს.
- შეიმუშავებთ იარაღისა და ტურელების გაუმჯობესებული ვერსიების ვიზუალურ დიზაინს, რომ მოთამაშემ ვერსიები გარეგნობით გაარჩიოს.
- შექმნით 3D მოდელებს, გაშლით UV-ებს და მოამზადებთ ტექსტურებსა და მასალებს.
- შექმნით მოდულურ ნაკრებებს, მოარგებთ მზა ასეტებს თამაშის სტილს და ასეტებს Unreal Engine-ში გადაიტანთ და გამართავთ.
- გუნდთან ერთად ჩამოაყალიბებთ თამაშის ვიზუალურ სტილს და იზრუნებთ მის ერთიანობაზე.
რას ველით თქვენგან
- თამაშებისთვის შექმნილი 3D ნამუშევრების პორტფოლიოს.
- თამაშებისადმი ინტერესს, კარგ მხატვრულ გემოვნებას და ხარისხიანი ასეტების სწრაფად შექმნის უნარს.
- Blender-ის, Maya-ს ან მსგავსი პროგრამის კარგ ცოდნას და Substance Painter-ში ან მის ანალოგში ტექსტურირების უნარს.
- Unreal Engine-ში მუშაობის გამოცდილებას და სათამაშო ასეტების ოპტიმიზაციის პრინციპების ცოდნას.
- დამოუკიდებლად მუშაობის, ვადების დაცვისა და უკუკავშირის საფუძველზე ცვლილებების სწრაფად შეტანის უნარს.
- თანამედროვე ინსტრუმენტების, მათ შორის AI-ის, გამოყენების უნარს სამუშაო პროცესის დასაჩქარებლად.
- ინგლისური და რუსული ენის ცოდნას
უპირატესობად ჩაითვლება
- ესკიზებისა და 2D კონცეპტების შექმნის უნარი.
- სტილიზებულ სამეცნიერო ფანტასტიკის პროექტებზე მუშაობის გამოცდილება.
- პერსონაჟებისა და არსებების მოდელირების გამოცდილება.
- რიგინგისა და მექანიზმების ანიმაციის საბაზისო ცოდნა.
პორტფოლიოში თითოეულ პროექტთან მოკლედ მიუთითეთ, რაზე იმუშავეთ პირადად.