OSCE გამომცდელი

"აღმოსავლეთ-დასავლეთ უნივერსიტეტი" (მედიცინის სკოლა - სიმულაციური ცენტრი და საგამოცდო ცენტრი) აცხადებს ვაკანსიას OSCE გამომცდელის პოზიციაზე.

სამუშაოს ადგილმდებარეობა: თბილისი სამუშაო განაკვეთი: საგამოცდო სესიების მიხედვით / ხელშეკრულების საფუძველზე. ანაზღაურება: შეთანხმებით: ანაზღაურება ხორციელდება საგამოცდო სესიების რაოდენობის შესაბამისად.

სამუშაოს მოკლე აღწერა

აღმოსავლეთ-დასავლეთ უნივერსიტეტის მედიცინის სკოლა ეძებს კვალიფიციურ კლინიცისტებსა და კლინიკური განათლების სპეციალისტებს, რომლებიც შეასრულებენ გამომცდელის ფუნქციას ობიექტურ სტრუქტურირებულ კლინიკურ გამოცდაზე (OSCE). OSCE-ის გამომცდელები აფასებენ სამედიცინო სტუდენტების კლინიკურ კომპეტენციებს - მათ შორის ანამნეზის შეგროვებას, ფიზიკურ გასინჯვას, კომუნიკაციის უნარებს, კლინიკურ აზროვნებას და პრაქტიკულ (პროცედურულ) უნარებს — პრაქტიკული გამოცდის დროს, დანიშნულ სადგურებზე. გამომცდელები გადამწყვეტ როლს ასრულებენ იმაში, რომ შეფასება იყოს სამართლიანი, სტანდარტიზებული და ასახავდეს იმ კომპეტენციებს, რომლებიც აუცილებელია უსაფრთხო კლინიკური პრაქტიკისთვის.

ძირითადი მოვალეობები

• დაესწროთ სავალდებულო წინასაგამოცდო ბრიფინგსა და კალიბრაცია/მომზადების სესიას, რათა გაეცნოთ სადგურის კლინიკურ სცენარს, ჩექლისთებსა და შეფასების კრიტერიუმებს.
• დააკვირდეთ და ობიექტურად შეაფასოთ თითოეული კანდიდატი საკუთარ OSCE-ის სადგურზე, მოწოდებული სტანდარტიზებული ჩექლისთებისა და შეფასების სკალის გამოყენებით.
• შეფასების კრიტერიუმები თანაბრად და მიუკერძოებლად გამოიყენოთ ყველა კანდიდატთან, რომლებიც გაივლიან სადგურს, გამოცდის დროს მინიშნების, დახმარების ან ვერბალური/არავერბალური უკუკავშირის მიცემის გარეშე.
• ზუსტად მართოთ სადგურის დროის ლიმიტი.
• დაიცვათ გამოცდის შინაარსის, სცენარებისა და კანდიდატთა შედეგების მკაცრი კონფიდენციალურობა გამოცდამდე, მისი მიმდინარეობისას და მის შემდეგ.
• შეავსოთ და დროულად წარადგინოთ ყველა შეფასების ფურცელი, საკონტროლო ჩამონათვალი და, საჭიროების შემთხვევაში, ინციდენტის ან დარღვევის შესახებ ანგარიში.
• პროფესიონალურად ითანამშრომლოთ სტანდარტიზებულ/სიმულირებულ პაციენტებთან, გამოცდის ზედამხედველებთან და ადმინისტრაციულ პერსონალთან.
• დაუყოვნებლივ აცნობეთ OSCE-ის კოორდინატორს ნებისმიერი შეშფოთების შესახებ, რომელიც უკავშირდება გამოცდის განაწესის დარღვევებს, კანდიდატის პროფესიული ეთიკის დარღვევას ან პაციენტის უსაფრთხოებას.
• მოთხოვნის შემთხვევაში, გამოცდის შემდგომ განხილვაზე მიაწოდეთ მოკლე წერილობითი ან ზეპირი უკუკავშირი სადგურის დიზაინთან ან საკონტროლო ფურცლის გაუგებარ პუნქტებთან დაკავშირებით.

საკვალიფიკაციო მოთხოვნები

• სამედიცინო განათლება (MD) ან მასთან გათანაბრებული ხარისხი; სასურველია შესაბამის სპეციალობაში მოქმედი ან ყოფილი კლინიკური პრაქტიკის გამოცდილება.
• უპირატესობად ჩაითვლება კლინიკურ სწავლებაში, რეზიდენტურის მომზადებაში ან სამედიცინო განათლებაში აქტიური ჩართულობა.
• სასურველია, თუმცა არააუცილებელია, წინა გამოცდილება OSCE-ის გამომცდელის, კლინიკური უნარ-ჩვევების მასწავლებლის ან გამოცდის ზედამხედველის როლში
• დაკვირვების კარგად განვითარებული უნარი და სტანდარტიზებული შეფასების კრიტერიუმების ობიექტურად და თანმიმდევრულად გამოყენების უნარი.
• პუნქტუალურობა და ხელმისაწვდომობა მთელი საგამოცდო სესიის განმავლობაში (ჩვეულებრივ 3-6 საათი, ბრიფინგის ჩათვლით).
• საგამოცდო ენის (ინგლისური) მაღალ დონეზე ფლობა
• მზადყოფნა, თითოეული საგამოცდო ციკლის დაწყებამდე, ხელი მოაწეროთ კონფიდენციალურობისა და ინტერესთა კონფლიქტის შესახებ შეთანხმებას.

ძირითადი კომპეტენციები

• ობიექტურობა და მიუკერძოებლობა.
• დეტალებზე ორიენტირებულობა.
• მკაფიო და პროფესიული კომუნიკაცია კანდიდატებთან, პერსონალთან და სტანდარტიზებულ პაციენტებთან.
• საიმედოობა და მკაცრი გრაფიკის დაცვა.

სამუშაო პირობები

OSCE-ის გამომცდელები მუშაობენ უნივერსიტეტის კლინიკური უნარ-ჩვევების ცენტრში, წინასწარ დაგეგმილი საგამოცდო პერიოდების განმავლობაში, რომლებიც, ჩვეულებრივ, აკადემიური წლის განმავლობაში რამდენჯერმე ტარდება (მიმდინარე და დასკვნითი გამოცდები). დაქირავება ხდება თითოეული საგამოცდო ციკლისთვის ცალკე; მუდმივი ან წლიური დასაქმება გარანტირებული არ არის. გამომცდელი ვალდებულია დარჩეს მისთვის მიკუთვნებულ სადგურზე მთელი სესიის განმავლობაში და შესაძლოა საჭირო გახდეს კანდიდატების ზედიზედ როტაციების გამოცდა.

განაცხადის წარდგენა

დაინტერესებულმა კანდიდატებმა უნდა წარმოადგინონ CV და მოკლე სამოტივაციო წერილი, რომელშიც მითითებული იქნება კლინიკური სპეციალობა, სწავლების ან შეფასების შესაბამისი გამოცდილება და ხელმისაწვდომობა. განაცხადის მიიღება წარმოებს შემდეგ ელექტრონულ მისამართზე. გთხოვთ, სათაურის ველში მიუთითოთ პოზიციის დასახელება. შერჩეული კანდიდატები მიწვეულნი იქნებიან ორიენტაციისა და კალიბრაციის სესიაზე, პირველი დანიშნული გამოცდის წინ.

აღმოსავლეთ-დასავლეთ უნივერსიტეტი მადლობას გიხდით ვაკანტური თანამდებობით დაინტერესებისათვის და გისურვებთ წარმატებებს.

ვაკანსიაზე განაცხადის შემოტანით ადასტურებთ, რომ თანახმა ხართ, უნივერსიტეტმა პერსონალურ მონაცემთა დაცვის შესახებ კანონის ფარგლებში შეაგროვოს, დაამუშაოს და შეინახოს თქვენი პერსონალური ინფორმაცია, რომელიც ჩვენი კომპანიის მიერ დამუშავდება თქვენთან შრომითი ურთიერთობის დამყარების შესახებ გადაწყვეტილების მიღების მიზნებისათვის. დასაქმების შესახებ უარყოფითი გადაწყვეტილების მიღების შემთხვევაში უნივერსიტეტი იტოვებს უფლებას შეინახოს და დაამუშაოს თქვენგან მიღებული ინფორმაცია, მათ შორის პერსონალური მონაცემები, მიღებიდან 1 წლის განმავლობაში, შემდგომი დასაქმების შეთავაზებებისთვის. თქვენ გაქვთ უფლება ნებისმიერ დროს მოგვმართოთ ამავე გზით და მოითხოვოთ მონაცემების წაშლა ან/და გამოყენების შეწყვეტა.