დისტრიბუტორი

"თბილღვინო" ღვინის მწარმოებელი ერთ-ერთი უმსხვილესი კომპანიაა საქართველოში. კომპანიის ისტორია 1962 წლიდან იწყება, როდესაც საქართველოში ყველაზე დიდი ღვინის საწარმო გაიხსნა, რომელიც 90-იან წლებში კერძო კომპანიად იქცა და მალევე დაიმკვიდრა მნიშვნელოვანი ადგილი საერთაშორისო ბაზარზე.

კომპანია დღეის მდგომარეობით 170-მდე მუდმივ თანამშრომელს ასაქმებს. ფლობს ორ თანამედროვე წარმოებას თბილისსა და ყვარელში, 402 ჰექტრამდე ვენახებს კახეთის რეგიონში.

"თბილღვინო" აცხადებს ვაკანსიას დისტრიბუტორის პოზიციაზე.

ძირითადი ამოცანები:

• ყოველდღიურად მიღებული შეკვეთების შესაბამისად განსაზღვრული პროდუქციის მითვლა და დატვირთვა;
• დღის მანძილზე მარშრუტით განსაზღვრული შეკვეთების ობიექტზე უსაფრთხოდ, დაუზიანებლად ტრანსპორტირება;
• მიტანილი პროდუქციის ობიექტისთვის მითვლა და სისწორის დადასტურება;
• ობიექტებიდან დაბრუნებული პროდუქციის ადგილზე მითვლა და საწყობში ტრანსპორტირების უზრუნველყოფა;
• ავტომანქანის სისუფთავის და ტექნიკური გამართულობის მუდმივ რეჟიმში კონტროლი;
• მოძრაობის და უსაფრთხოების წესების დაცვა.

საკვალიფიკაციო მოთხოვნები:

• ავტომობილის მართვის მოწმობის B კატეგორია;
• მოძრაობის წესების სრულყოფილი ცოდნა;
• აუცილებელია მსგავს პოზიციაზე მუშაობის გამოცდილება;
• დეტალებზე ორიენტირებულობა და ორგანიზებულობა.

სამუშაო პირობები:

• ანაზღაურება: 1, 800 ლარი (NET);
• კომპანია უზრუნველყოფს და ფარავს ჯანმრთელობის დაზღვევას;
• სამუშაო ადგილი: დავით სარაჯიშვილის #2, თბილისი;
• სამუშაო საათები: 09:00-18:00;
• სამუშაო დღეები: ორშაბათი-პარასკევი.

დაინტერესების შემთხვევაში დაგვიკავშირდით მითითებულ ნომერზე ან გამოგზავნეთ რეზიუმე ელექტრონულ მისამართზე.

ინფორმაციის გამოგზავნით თქვენ ადასტურებთ, რომ თანახმა ხართ კომპანია "თბილღვინომ" დაამუშაოს და შეინახოს თქვენი პერსონალური მონაცემები 6 თვის განმავლობაში. დამსაქმებელმა შესაძლებელია თქვენი მონაცემი შეინახოს და განიხილოს სხვა პოზიციაზეც.