საბანკო ოპერატორი
HR აუთსორსინგული კომპანია One Point აცხადებს ვაკანსიას საბანკო ოპერატორის პოზიციაზე.
სამუშაო მოდელი: ბანკის ფილიალი სამუშაო გრაფიკი: ორშაბათი-პარასკევი 10:00-18:00; შაბათი 10:00-14:00
დამსაქმებელი კომპანიის შესახებ:
დამსაქმებელი კომპანია წარმოადგენს წამყვან ფინანსურ ინსტიტუტს რეგიონში, რომელიც გამბედავი და მიზანსწრაფული გუნდით, ადამიანების ცხოვრების გამარტივებას ემსახურება. კომპანია მომსახურების ახალ სტანდარტებს ამკვიდრებს მონაცემთა ანალიზის, ხელოვნური ინტელექტისა და ციფრული პროდუქტების გამოყენებით. ის მხარს უჭერს თითოეული თანამშრომლის განვითარებას, მიზნების მიღწევასა და წარმატების საკუთარი ისტორიის შექმნას, რადგან წარმატება პირველ რიგში საკუთარი თავის რწმენით იწყება.
პოზიციის შესახებ:
საბანკო ოპერატორი უზრუნველყოფს მომხმარებლებისთვის მაღალხარისხიანი საოპერაციო და სალარო მომსახურების გაწევას, უწევს კონსულტაციას საბანკო პროდუქტებსა და მომსახურებებთან დაკავშირებით, სთავაზობს მათ საჭიროებებზე მორგებულ გადაწყვეტილებებს და საჭიროების შემთხვევაში, შესაბამის მიმართულებაზე გადაამისამართებს.
ძირითადი ფუნქციები და მოვალეობები
- მომხმარებლისთვის მაღალხარისხიანი საოპერაციო და სალარო მომსახურების გაწევა;
- მომხმარებლებზე მორგებული საბანკო პროდუქტებისა და ოპერაციებთან დაკავშირებულ კონსულტაციისა და შეთავაზებების უზრუნველყოფა;
- მომხმარებლის გადამისამართება საჭიროების შესაბამისად.
ეს პოზიცია შენთვისაა, თუ
- გიყვარს ადამიანებთან ურთიერთობა, მათზე ზრუნვა და დახმარების გაწევა;
- ხარ განვითარებაზე ორიენტირებული;
- სასურველია გქონდეს გაყიდვების ან/და მომსახურების სფეროში მუშაობის გამოცდილება;
- სასურველია დამატებით ფლობდე უცხო ენებს სასაუბრო დონეზე.
დაინტერესების შემთხვევაში გაგვიზიარეთ რეზიუმე ელფოსტაზე და გთხოვთ, წერილის სათაურში მიუთითოთ პოზიციის დასახელება.
გისურვებთ წარმატებას!
თქვენი რეზიუმესა და მასში მოცემული პერსონალური მონაცემების გაგზავნით ადასტურებთ თანხმობას, რომ HR აუთსორსინგულ კომპანია ვან ფოინთს გადასცემთ უფლებას, "პერსონალურ მონაცემთა დაცვის შესახებ" საქართველოს კანონმდებლობის ფარგლებში შეაგროვოს, შეინახოს და დაამუშაოს თქვენი მონაცემები, ასევე, საჭიროების შემთხვევაში, გადასცეს ისინი მესამე მხარეს - ვაკანტურ პოზიციაზე განხილვისა და დასაქმების შესაძლებლობის უზრუნველყოფის მიზნით.