უმცროსი იურისტი

შემოუერთდი TNET-ის ციფრული ეკოსისტემის გუნდს უმცროსი იურისტის პოზიციაზე!

https://www.tnet.ge/

სამუშაო ადგილი: თბილისი, ნუცუბიძის 129ა სამუშაო გრაფიკი: სრული, 10:00-19:00

შენი როლი "თინეთში":

• TNET-ისა და ჯგუფში შემავალი კომპანიების/პლატფორმების ყოველდღიური იურიდიული მხარდაჭერა;
• სხვადასხვა ტიპის კომერციული ხელშეკრულებების მომზადება, განხილვა და სამართლებრივი ანალიზი;
• ქართულ და საერთაშორისო პარტნიორებთან დაკავშირებული პროექტების იურიდიული მხარდაჭერა;
• ციფრულ პროდუქტებთან, e-commerce-სა და ტექნოლოგიურ სერვისებთან დაკავშირებულ სამართლებრივ საკითხებზე მუშაობა;
• კორპორატიული დოკუმენტაციის მომზადება, განახლება და მართვა;
• სამართლებრივი რისკების იდენტიფიკაციაში, შეფასებასა და პრევენციაში მონაწილეობა;
• პერსონალური მონაცემების დაცვასა და privacy/data protection საკითხებზე იურიდიული გუნდის მხარდაჭერა;
• კომპანიის შიდა პოლიტიკებისა და პროცედურების სამართლებრივ ნაწილზე მუშაობა;
• სამართლებრივი კვლევის, დასკვნებისა და სხვა იურიდიული დოკუმენტაციის მომზადება;
• სხვადასხვა ბიზნეს გუნდთან თანამშრომლობა ახალი პროდუქტებისა და პროექტების დანერგვის პროცესში.

ეს ვაკანსია შენთვის საინტერესოა, თუ:

• გაქვს უმაღლესი იურიდიული განათლება - ბაკალავრის ან მაგისტრის ხარისხი;
• გაქვს კორპორატიული/ბიზნეს სამართლის მიმართულებით მინიმუმ 1-წლიანი გამოცდილება;
• ფლობ ინგლისურ ენას B2/C1 დონეზე - წერილობით და ზეპირად;
• გაქვს ხელშეკრულებებისა და სხვა სამართლებრივი დოკუმენტების მომზადებისა და ანალიზის გამოცდილება;
• გაქვს ძლიერი ანალიტიკური და კვლევითი უნარები; რამდენიმე პროექტზე პარალელურად მუშაობისა და პრიორიტეტების სწორად განსაზღვრის უნარი.

კიდევ უფრო საინტერესოა თუ:

გაქვს ტექნოლოგიურ კომპანიაში მუშაობის გამოცდილება ან ინტერესი IT/Tech, E-commerce, Data Protection/GDPR, Intellectual Property და Digital Services მიმართულებებისადმი.

"თინეთში" დაგხვდება:

• ცოდნის გაზიარების და უწყვეტი სწავლების კულტურა;
• ინოვაციებზე, ზრდაზე ორიენტირებული გუნდი;
• მრავალფეროვანი, თანასწორი და ინკლუზიური ფასეულობები;
• სრული მხარდაჭერა შენი განვითარების გზაზე;
• ჯანმრთელობის დაზღვევა, რომელიც მოსვლისთანავე გაგიაქტიურდება;
• კორპორატიული შეთავაზებები ჯანსაღი ცხოვრების სტილისთვის და შენი კომფორტისთვის;

თუ გსურს, რომ შემოუერთდე საქართველოში ყველაზე დიდ ციფრულ ეკოსისტემას გამოგვიგზავნე რეზიუმე და სათაურში მიუთითე ვაკანსიის დასახელება: hr@tnet.ge

პერსონალური მონაცემების დაცვა:

შპს "თინეთი" კანდიდატის პერსონალური მონაცემების დამუშავებას ახორციელებს, არსებული ან/და სამომავლო ვაკანსიის მოთხოვნებთან შესაბამისობის დადგენისა და დასაქმების თაობაზე გადაწყვეტილების მიღების მიზნით "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად, კერძოდ:

• თქვენ შესახებ პერსონალური ინფორმაცია მუშავდება არაუმეტეს 3 წლის ვადით;
• თქვენ უფლებამოსილი ხართ მოითხოვოთ ინფორმაცია იმ მონაცემების თაობაზე, რასაც შპს "თინეთი" ამუშავებს თქვენს შესახებ;
• თქვენ უფლებამოსილი ხართ მოითხოვოთ თქვენი პერსონალური მონაცემების გასწორება, განახლება, დამატება, დაბლოკვა, წაშლა და/ან განადგურება. ამისთვის, მოგვმართეთ ელფოსტაზე: personaldata@tnet.ge;
• რეზიუმეს საკონტაქტო მეილზე გამოგზავნით ან სხვაგვარად მოწოდებით, თქვენ ადასტურებთ, რომ თანახმა ხართ, კომპანიამ დაამუშაოს და შეინახოს თქვენი პერსონალური მონაცემები საქართველოს კანონმდებლობის შესაბამისად.

დისკრიმინაციის წინააღმდეგ პოლიტიკა:

შპს "თინეთი" კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით.