ბარისტა

"აიანომა" იაპონური კონცეფციის ყავის სახლია რუსთაველის გამზირზე. ჩვენი მიზანია შევქმნათ ერთ-ერთი ყველაზე გამორჩეული სივრცე საქართველოში და ავთენტური იაპონური hand-drip ყავის გაცნობით გავამდიდროთ აქ მცხოვრები ადამიანების ყოველდღიურობა და ჩვენი მცირე წვლილი შევიტანოთ საქართველოში ხელოვნების, კულტურისა და საზოგადოებრივი ცხოვრების განვითარებაში.

ვეძებთ ადამიანებს, რომლებსაც სურთ ამ პროექტის ნაწილი გახდნენ გრძელვადიანად - ვისთვისაც ეს არა დროებითი სამსახური, არამედ საერთო საქმეა, რომელთან ერთადაც გაიზრდებიან.

ვაკანსიის დასახელება - ბარისტა ლოკაცია: თბილისი, რუსთაველის გამზირი სამუშაო დღეები: დღეგამოშვებით

ძირითადი მოვალეობები: - სტუმრების თბილად დახვედრა და მაღალი ხარისხის მომსახურება; - მენიუს დეტალური ცოდნა, სტუმრებისთვის რეკომენდაციების გაწევა და პროდუქტის წარდგენა; - ყავის კულტურის გაზიარება და „აიანომას“ კონცეფციის გაცნობა; - შეკვეთების მიღება და სტუმრებისთვის მიწოდება; - ყავის, სხვა სასმელების და მარტივი ხემსის/საკვები პროდუქტების მომზადება ბრენდის სტანდარტების მიხედვით; - მომსახურების მაღალი სტანდარტის დაცვა და სტუმრებთან თბილი, პროფესიონალური კომუნიკაცია; - სამუშაო სივრცისა და კაფეს გარემოს ესთეტიურ წესრიგსა და სისუფთავეზე ზრუნვა.

საკვალიფიკაციო მოთხოვნები:

- ყავის სიყვარული: კანდიდატი რეგულარულად უნდა მოიხმარდეს ყავას და გულწრფელად იზიარებდეს ყავის კულტურისადმი ინტერესს; - გრძელვადიანი თანამშრომლობა: ვეძებთ გუნდის წევრებს, რომლებსაც სურთ პროექტის ნაწილი გახდნენ ხანგრძლივი ვადით და შეიტანონ წვლილი ბრენდის განვითარებაში; - სწავლისა და განვითარების ძლიერი მოტივაცია: გასწავლით hand-drip ტექნიკას, ყავის კულტურასა და მომსახურების მაღალ სტანდარტს; - უნარები: კომუნიკაბელურობა, თავაზიანობა, პუნქტუალურობა, მოწესრიგებულობა და პასუხისმგებლობის მაღალი გრძნობა; - ენები: ქართული (სრულყოფილად) და ინგლისური (სულ მცირე B1) ენების ცოდნა; - გამოცდილება: აღნიშნულ სფეროში გამოცდილება ჩაითვლება უპირატესობად.

რას გთავაზობთ:

- მეგობრულ და მრავალფეროვან სამუშაო გარემოს; - სტანდარტიზებულ და კონკურენტულ ანაზღაურებას; - ყავის მომზადების იაპონური ტრადიციული მეთოდებისა და ეტიკეტის სწავლებას; - აიანომას გუნდთან ერთად პროფესიული ზრდის შესაძლებლობას; - გრძელვადიან თანამშრომლობას და პროექტის განვითარებაში აქტიური მონაწილეობის შესაძლებლობას.

დაინტერესების შემთხვევაში, გთხოვთ გამოგვიგზავნოთ თქვენი რეზიუმე შემდეგ მისამართზე - info@ayanoma.ge, ხოლო Subject ველში მიუთითეთ ვაკანსიის დასახელება.