ტექნიკური ოპერაციების კოორდინატორი

კომერციული უძრავი ქონების დეველოპერული კომპანია "MP დეველოპმენტი" აცხადებს ვაკანსიას ტექნიკური ოპერაციების კოორდინატორის პოზიციაზე.

"MP დეველოპმენტი" წარმოადგენს ერთ-ერთ სწრაფად მზარდ კომპანიას საქართველოს ბაზარზე. ის ამჟამად დაკავებულია საქართველოს რეგიონებში და თბილისში სავაჭრო მოლების განვითარებით. კომპანიას უკვე გააჩნია 18 ობიექტი საქართველოს სხვადასხვა კუთხეში და აქტიურად მუშაობს ახალი კომერციული ობიექტების განვითარებაზე.

სამუშაოს აღწერა და საკვალიფიკაციო უნარები შეგიძლიათ იხილოთ ქვემოთ:

პოზიციის მიზანი

ტექნიკური ოპერაციების კოორდინატორი პასუხისმგებელია სავაჭრო ცენტრებში დაფიქსირებული ტექნიკური საკითხების დროულ და ეფექტიან მართვაზე, პროცესების კოორდინაციასა და პრობლემის სრულ აღმოფხვრამდე მის მონიტორინგზე. პოზიცია უზრუნველყოფს ტექნიკური დირექტორის მხარდაჭერას ყოველდღიური ოპერაციული პროცესების მართვაში და სხვადასხვა ჩართული მხარის ეფექტიან კომუნიკაციას.

ძირითადი მოვალეობები:

** სავაჭრო ცენტრებიდან შემოსული ტექნიკური მოთხოვნების მიღება, რეგისტრაცია, პრიორიტეტიზაცია და შესაბამისი რეაგირების ორგანიზება; ** ტექნიკური ჯგუფის ყოველდღიური საქმიანობის კოორდინაცია; ** ტექნიკური დავალებების გადანაწილება, შესრულების პროცესის მუდმივი მონიტორინგი და Follow-up დასრულებამდე; ** პრობლემის ინიციირებიდან საბოლოო გადაწყვეტამდე პროცესის სრული კოორდინაცია; ** ფილიალების მენეჯერებთან, ტექნიკური მართვის სპეციალისტებთან და სხვა დაინტერესებულ მხარეებთან ეფექტიანი კომუნიკაციის უზრუნველყოფა; ** შესრულებული სამუშაოების სტატუსის კონტროლი და დროული უკუკავშირის მიწოდება მოთხოვნის ავტორისთვის; ** ტექნიკური სამუშაოების ყოველდღიური და ყოველკვირეული გეგმებისა და პრიორიტეტების დაგეგმვაში მონაწილეობა; ** ტექნიკური უზრუნველყოფის მიმართულებით მოქმედ კონტრაქტორებთან კომუნიკაცია, სამუშაოების დაგეგმვა და კოორდინაცია; ** გარე კონტრაქტორების მიერ შესრულებული სამუშაოების ვადებისა და ხარისხის მონიტორინგი; ** საჭირო ტექნიკური აღჭურვილობის შეკეთების ან შეძენის პროცესის კოორდინაცია; ** შესყიდვების დეპარტამენტთან მჭიდრო თანამშრომლობა საჭირო მასალებისა და მომსახურებების დროული უზრუნველყოფისთვის; ** შესრულებული სამუშაოებისა და ტექნიკური პროცესების შესახებ დოკუმენტაციის წარმოება და ანგარიშგება.

საკვალიფიკაციო მოთხოვნები

** უმაღლესი განათლება; ** ოპერაციების, ტექნიკური მხარდაჭერის, Facility Management-ის, Maintenance-ის ან მსგავსი მიმართულებით მუშაობის გამოცდილება; ** Microsoft Office-ის, განსაკუთრებით Excel-ის, კარგი ცოდნა; ** ტექნიკური პროცესების დაგეგმვისა და კოორდინაციის გამოცდილება ჩაითვლება უპირატესობად; ** სასურველია ERP ან დავალებების მართვის სისტემებთან მუშაობის გამოცდილება.

პიროვნული უნარ-ჩვევები

** ძლიერი ორგანიზებისა და კოორდინაციის უნარი; ** პასუხისმგებლობის მაღალი გრძნობა; ** მრავალ ამოცანაზე ერთდროულად მუშაობის უნარი; ** დროის ეფექტიანი მართვა; ** პრობლემების სწრაფად ანალიზისა და პრიორიტეტების განსაზღვრის უნარი; ** ეფექტიანი კომუნიკაციისა და მოლაპარაკების უნარი; ** დეტალებზე ორიენტირებულობა; ** სტრესულ გარემოში ეფექტიანად მუშაობის უნარი.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.

ვაკანსიის შესახებ დეტალური ინფორმაციის გასაცნობად და რეზიუმეს გადმოსაგზავნად გთხოვთ ეწვიოთ მოცემულ ბმულს: https://hel-ai.com/apply/khwhpr4e