სპეციალური რისკების მენეჯერი
სადაზღვევო კომპანია "უნისონი" 2011 წლიდან ზრუნავს ადამიანებისა და ბიზნესების ფინანსურ უსაფრთხოებაზე. წლების განმავლობაში ჩვენ ჩამოვყალიბდით ქართული სადაზღვევო ბაზრის ერთ-ერთ წამყვან კომპანიად, რომელსაც მომხმარებლები ენდობიან პროფესიონალიზმის, ინოვაციური მიდგომებისა და საერთაშორისო პარტნიორების მხარდაჭერის გამო.
ჩვენ მუდმივად ვავითარებთ პროდუქტებსა და სერვისებს, ვნერგავთ თანამედროვე ციფრულ გადაწყვეტილებებს და ვქმნით საუკეთესო გამოცდილებას ჩვენი მომხმარებლებისთვის.
თუ გსურთ იმუშაოთ გარემოში, სადაც ფასდება ინიციატივა, პროფესიული განვითარება და შედეგზე ორიენტირებული მუშაობა, შემოუერთდით "უნისონის" გუნდს.
სადაზღვევო კომპანია უნისონი აცხადებს ვაკანსიას სპეციალური რისკების მენეჯერის პოზიციაზე.
სამუშაო ადგილი: ქ. თბილისი, გამრეკელის N19 სამუშაო საათები: ორშაბათი-პარასკევი 09:30-18:30
ძირითადი მოვალეობები
- კლიენტთან ურთიერთობის წარმართვა, მათ შორის კლიენტის შენარჩუნება და კონსულტაციების გაწევა (ტენდერში მონაწილეობა, უზრუნველყოფის დამატება, ჩანაცვლება ან გამოთავისუფლება)
- საბანკო გარანტიის განაცხადის მიღება, დამუშავება და კომიტეტზე გატანა
- გარანტიის დოკუმენტაციის გადაგზავნა საოპერაციო დეპარტამენტში მოსამზადებლად და დასარეგისტრირებლად; საოპერაციო დეპარტამენტიდან მიღებული დოკუმენტაციის შემოწმება და საჭიროების შემთხვევაში შესწორება
- საბანკო გარანტიის ფაილინგის ფორმირება, გარანტიის კლიენტისთვის გადაცემა და დოკუმენტაციის საოპერაციო დეპარტამენტისთვის ჩაბარება
- ახალი კლიენტის შემთხვევაში საჭირო დოკუმენტაციის მოთხოვნა, დამუშავება და კომიტეტზე გატანა
- უზრუნველყოფის დოკუმენტების მომზადება, იურისტებთან და შემფასებლებთან კომუნიკაცია; ვიზირებული დოკუმენტების სახელმწიფო სამსახურში რეგისტრაცია და ჩანაწერის შემოწმება
- კლიენტის ვალდებულებების ანალიზი და მონიტორინგი; საჭიროების შემთხვევაში ქონების გადაფასება და კომიტეტზე გატანა
- პრემიალური დავალიანების არსებობისას დებიტორებთან ურთიერთობა მისი დაფარვის მიზნით
- პორტფელის მუდმივი მონიტორინგი და პერიოდული (მაქსიმუმ კვარტლური) ანალიზი
- მოსალოდნელი ზარალის პრევენცია; ზარალის დადგომისას აქტიური ჩართულობა მის დარეგულირებასა და რეგრესული თანხის ამოღებაში
- ხელმძღვანელისთვის წარსადგენი ყოველთვიური ანგარიშის მომზადება
- კონტეინერის დაზღვევის განაცხადების მიღება, დამუშავება და პირობების განსაზღვრა
- გადამზღვეველებთან ურთიერთობა; გაყიდვების დეპარტამენტთან თანამშრომლობა გარანტიების პირობების კორექტირებისთვის და გაყიდვების მხარდაჭერა (კლიენტების მოზიდვა/შენარჩუნება)
საკვალიფიკაციო მოთხოვნები
- უმაღლესი განათლება
- ანალოგიურ ან მსგავს პოზიციებზე (ბანკები, სადაზღვევო კომპანია) მუშაობის არანაკლებ 2 წლიანი გამოცდილება
- ქართული, ინგლისური და რუსული ენების ცოდნა
- MS Office-ის ცოდნა
პიროვნული უნარ-ჩვევები
- კომუნიკაბელურობა;
- დროის ეფექტური მართვა;
- ანალიტიკური აზროვნების უნარი;
- სიზუსტე და დეტალებზე ორიენტირებულობა;
- დისციპლინა და პასუხისმგებლობის მაღალი გრძნობა;
- კონფლიქტური სიტუაციების ეფექტური მართვის უნარი.
ვაკანსიით დაინტერესების შემთხვევაში გთხოვთ ატვირთოთ რეზიუმე. დავუკავშირდებით მხოლოდ გასაუბრებისთვის შერჩეულ კანდიდატებს.
დაინტერესებულ პირებს გთხოვთ გამოეხმაუროთ განცხადებას “გამოხმაურება (სხვა ვებგვერდზე)“ ღილაკის საშუალებით.
წარმატებებს გისურვებთ!