სტაჟიორი - სტარტაპ ეკოსისტემის მხარდამჭერი პროგრამები

სსიპ "საქართველოს ინოვაციების და ტექნოლოგიების სააგენტო" აცხადებს სტაჟირებას სტარტაპ ეკოსისტემის მხარდამჭერი პროგრამების დეპარტამენტში.

პოზიციის დასახელება - სტაჟიორი.

სამუშაო პირობები

• ანაზღაურება - 720 ლარი;
• სტაჟირების ვადა: 3 თვე;
• სამუშაო ადგილი - თბილისი.

სამუშაოს აღწერა

• სააგენტოს მუშაობის სპეციფიკის გაცნობა;
• სააგენტოს მიერ გამოცხადებული საგრანტო პროგრამების ადმინისტრირებაში ჩართულობა;
• საგრანტო პროგრამის განხორციელებისთვის საჭირო დოკუმენტაციის მომზადებაში ჩართულობა;
• საგრანტო პროგრამების ცნობადობის ამაღლების მიზნით საინფორმაციო შეხვედრების ორგანიზებაში მონაწილეობის მიღება;
• სხვა დაკავშირებული ამოცანების განხორციელება, რომლებიც ემსახურება სამუშაოს მიზანს და/ან საჭიროა ფუნქცია მოვალეობების ჯეროვნად შესასრულებლად.

მინიმალური განათლება: სტუდენტი.

სამართლებრივი აქტების ცოდნა

• "გრანტების შესახებ" საქართველოს კანონი;
• საქართველოს ეკონომიკისა და მდგრადი განვითარების მინისტრის 2014 წლის 5 მარტის №1-1/66 ბრძანებით დამტკიცებული საჯარო სამართლის იურიდიული პირის - "საქართველოს ინოვაციების და ტექნოლოგიების სააგენტოს" დებულება.

ენების ცოდნის დონე

• ინგლისური: წერითი უნარები - B2, მეტყველება - B2.

კომპიუტერული პროგრამები, ოპერაციული სისტემები

• Microsoft Office Word / კარგი;
• Microsoft Office Excel / ძალიან კარგი;
• Microsoft Office PowerPoint / კარგი.

სტაჟიორად შეიძლება მიღებულ იქნეს საქართველოს ქმედუნარიანი მოქალაქე, რომელიც აკმაყოფილებს შემდეგ მოთხოვნებს:

• იცის სახელმწიფო ენა;
• სწავლობს უმაღლესი განათლების პირველ (დამამთავრებელი სასწავლო წლის შემთხვევაში) ან მე-2 ან მე-3 საფეხურზე ან/და დასრულებული აქვს უმაღლესი განათლების ერთ-ერთი საფეხური ბიზნესის ადმინისტრირების / ფინანსების / აუდიტის მიმართულებით.

პიროვნული თვისებები და უნარ-ჩვევები

• ორგანიზებულობა;
• დეტალებზე ორიენტირებულობა;
• შედეგზე ორიენტირებულობა;
• პასუხისმგებლობის მაღალი გრძნობა;
• დროის ეფექტურად მართვის უნარი;
• გუნდური მუშაობის უნარი.

სტუდენტის აქტიური სტატუსის მქონე სტაჟიორს, მოთხოვნის შემთხვევაში, სასწავლო პროცესთან სტაჟირების ინტეგრირების მიზნით, შესაძლოა დაუდგინდეს სტაჟირების სპეციალური გრაფიკი.

კანდიდატმა მთავრობის ადმინისტრაციის მიერ ადმინისტრირებულ ვებ-გვერდზე "ჩემი რეზიუმე"-ს შესაბამის ბლოკში სავალდებულოა ატვირთოს:

• პირადობის მოწმობის ასლი;
• ინფორმაცია განათლების შესახებ; აუცილებელია, კანდიდატმა vacancy.hr.gov.ge-ის განათლების ველში მიუთითოს: საგანმანათლებლო დაწესებულება და ატვირთოს განათლების დამადასტურებელი დოკუმენტი (ცნობა უნივერსიტეტიდან ან/და დიპლომი);
• სამოტივაციო წერილი, სადაც ნათლად იქნება წარმოჩენილი კანდიდატის დასაბუთება, თუ რატომ სურს სსიპ "საქართველოს ინოვაციების და ტექნოლოგიების სააგენტოში" სტაჟირების გავლა.

შეფასების ეტაპი: კანდიდატის შეფასება მოხდება გასაუბრებით.

დაინტერესების შემთხვევაში, გთხოვთ გადახვიდეთ ბმულზე, იხილოთ დეტალური პირობები და გააკეთოთ განაცხადი 2026 წლის 6 ნოემბრის ჩათვლით - https://vacancy.hr.gov.ge/JobProvider/UserOrgVaks/Details/103706?active=1