სტაჟირება მარკეტინგის დეპარტამენტში

კომპანია „ნუტრიმაქსი“ აცხადებს სტაჟირებას მარკეტინგის დეპარტამენტში.

ნუტრიმაქსი 2009 წლიდან ოპერირებს საქართველოში და წარმოადგენს ცხოველთა კვების ინდუსტრიის ერთ-ერთ წამყვან კომპანიას. კომპანია აერთიანებს ორ მაღალტექნოლოგიურ საწარმოს, თანამედროვე ლაბორატორიებსა და საერთაშორისო სტანდარტებზე დაფუძნებულ წარმოების პროცესს.

ნუტრიმაქსის პროდუქციის პორტფელი მოიცავს გადაწყვეტილებებს ფერმერული მეურნეობებისთვის, აკვაკულტურისა და კომპანიონი ცხოველების კვების მიმართულებით. კომპანიის პროდუქცია წარმოდგენილია როგორც საქართველოს, ისე ამიერკავკასიის, შუა აზიისა და აღმოსავლეთ ევროპის ბაზრებზე.

2026 წლის მაისიდან ნუტრიმაქსი ფუნქციონირებს საზოგადოებრივი დაინტერესების პირის სტატუსით. ამავე პერიოდში კომპანიამ კაპიტალის ბაზარზე წარმატებით განახორციელა საჯარო ობლიგაციებისსადებიუტო ემისია.

კომპანიის საქმიანობას ზედამხედველობს სამეთვალყურეო საბჭო, ხოლო მისი კორპორაციული მართვის სისტემა ეფუძნება გამჭვირვალობის, ანგარიშვალდებულებისა და გრძელვადიანი მდგრადი განვითარებისპრინციპებს.

დამატებითი ინფორმაცია კომპანიის შესახებ: www.nutrimax.ge

პოზიციაზე მივესალმებით დეტალებზე ორიენტირებულ, სწავლის მოტივაციისა და დროის ეფექტურად მართვის უნარების მქონე კანდიდატებს; სტუდენტებს, რომლებსაც სურთ მარკეტინგის სხვადასხვა მიმართულებაზე პრაქტიკული გამოცდილების მიღება და AI ინსტრუმენტების გამოყენების უნარების გაძლიერება.

სამუშაო ადგილი - თბილისი, ზემო ფონიჭალა (ოფისში მუდმივად ყოფნა სავალდებულო არ არის, სამუშაო ძირითადად შესაძლებელია დისტანციურად); სამუშაო გრაფიკი - მოქნილი, სწავლასთან შეთავსებადი გრაფიკი. ანაზღაურება - განისაზღვრება სამუშაო დღეების რაოდენობის მიხედვით: 3 დღე - 500 ლარი; 4 დღე - 600 ლარი; დამატებითი ბენეფიტები - ტრანსპორტირება და კვება (ოფისში ყოფნის დღეებში).

ძირითადი მოვალეობები: - AI-ის გამოყენებით მარკეტინგული კონტენტის შექმნა და დამუშავება, არსებული მასალების სხვადასხვა ქვეყნებისთვის ლოკალიზაცია და ადაპტაცია; - ციფრული არხების მართვაში მონაწილეობა, კონტენტის განთავსებისა და რეკლამირების მხარდაჭერა; - Point of Sale მარკეტინგული მასალების შექმნა; - მარკეტინგული გუნდის ყოველდღიური საოპერაციო ამოცანების მხარდაჭერა.

ძირითადი მოთხოვნები: - მოქმედი ბაკალავრის სტუდენტი, რომელსაც შეუძლია სწავლის პარალელურად მუშაობა; - სამუშაო გამოცდილება სავალდებულო არ არის; გვჭირდება მარკეტინგისადმი ინტერესი და სწავლის სურვილი; - ინგლისური ენის ცოდნა (მინიმუმ B2 დონე) - აუცილებელია; - რუსული ენის ცოდნა - სასურველია, თუმცა სავალდებულო არ არის; - AI ინსტრუმენტების გამოყენების უნარი ან მათი სწრაფად ათვისების მზადყოფნა.

დაინტერესებულმა პირებმა გთხოვთ შეავსოთ სააპლიკაციო ფორმა და ატვირთოთ თქვენი რეზიუმე.

დეტალური ინფორმაციისათვის და განაცხადის გასაკეთებლად, გთხოვთ ეწვიოთ შემდეგ ლინკს: https://nutrimax.selfrecruit.ge/s/ugC9D

გისურვებთ წარმატებას!

ვაკანსიაზე რეზიუმეს გამოგზავნით, თანხმობას აცხადებთ თქვენი პერსონალური მონაცემების შენახვა/დამუშავებაზე, რეზიუმეს გამოგზავნიდან 3 წლის ვადით, კანონმდებლობით გათვალისწინებული წესის შესაბამისად.