ოპერაციების მენეჯერი თბილისში

Sparkle ეძებს ოპერაციების მენეჯერს თბილისში.

ჩვენ ვასუფთავებთ ბინებსა და ოფისებს. ბათუმს მე თვითონ ვუძღვები, თბილისი კი შენზე იქნება: გუნდი, გრაფიკი, ხარისხი და კლიენტები.

რას ნიშნავს ეს პრაქტიკულად: - დამლაგებლების აყვანა, სწავლება და გუნდში შენარჩუნება - დღიური გრაფიკისა და მარშრუტების აწყობა უბნების მიხედვით, რომ გადაადგილებაზე ნაკლები დრო დაიხარჯოს - ხარისხის კონტროლი: ერთი სტანდარტი, შემოწმება ადგილზე და საჩივარზე სწრაფი რეაგირება - კლიენტებთან მუშაობა: ობიექტის შეფასება, ფასის დათვლა, განმეორებითი შეკვეთები - ინვენტარისა და საწმენდი საშუალებების აღრიცხვა და დროული შევსება - ნაღდი ანგარიშსწორების წესრიგში ქონა და ყოველკვირეული ანგარიში ჩემთან

რას ველოდებით: - გამოცდილება ადამიანების მართვაში: დასუფთავება, სასტუმრო, რესტორანი, საცალო ვაჭრობა ან მსგავსი სფერო - თბილისის ცოდნა: უბნები, ტრანსპორტი და რეალურად რამდენი დრო სჭირდება ერთი მისამართიდან მეორეზე მისვლას - ქართული სავალდებულოა, რუსული ან ინგლისური დიდი უპირატესობაა - დამოუკიდებლად მუშაობის უნარი. მე ბათუმში ვარ, ამიტომ ყოველდღიურ გადაწყვეტილებებს შენ იღებ - პასუხისმგებლობა ფულზე, კლიენტის გასაღებებზე და ნდობაზე

რას გთავაზობთ: - ანაზღაურება შეთანხმებით, გამოცდილებისა და შედეგის მიხედვით - თავისუფლება პროცესის აწყობაში, თავზე მდგომი ზედამხედველის გარეშე - თბილისში ვიზრდებით და ამ ზრდას შენ გაუძღვები

გამოგვიგზავნე განაცხადი და მოკლედ მიწერე, რამდენ ადამიანს მართავდი და რა ხნის განმავლობაში.