მზა პროდუქციის საწყობის უფროსი

ჩვენი ისტორია 1998 წელს დაიწყო.

კომპანიის პირველი ნაბიჯები ხორცპროდუქტების წარმოებას უკავშირდება, თუმცა წლების განმავლობაში განვითარების შედეგად ჩამოვყალიბდით მრავალპროფილურ ბიზნეს ჯგუფად.

დღეს, NMG (ნიკორა მენეჯმენტ ჯგუფი) წარმოადგენს საქართველოში მოქმედ მრავალპროფილურ საინვესტიციო და მმართველობით პლატფორმას, რომელიც აერთიანებს წამყვან კომპანიებს კვების წარმოების, რითეილის, ლოჯისტიკისა და სხვა სექტორებში.

ჩვენი მისიაა ღია და სანდო პარტნიორობაზე დაფუძნებული ბიზნესგარემოს შექმნა, რომელიც უზრუნველყოფს შვილობილი კომპანიების გრძელვადიან განვითარებას და ქმნის ეკონომიკურ და საზოგადოებრივ ღირებულებებს.

NMG ქართულ ბაზარზე ერთ-ერთი მსხვილი დამსაქმებელია. ჯგუფში, დღეს, 10 000-ზე მეტი თანამშრომელი მუშაობს და კომპანიის განვითარებასთან ერთად ეს რიცხვი მუდმივად იზრდება.

ჩვენ ვქმნით მდგრად, ღირებულებებზე დაფუძნებულ სამუშაო გარემოს, სადაც თანამშრომლების პროფესიული და კარიერული განვითარება ერთ-ერთი მთავარი პრიორიტეტია.

თუ ეძებ შესაძლებლობას, იმუშაო სტაბილურ და განვითარებაზე ორიენტირებულ კომპანიაში, სადაც ფასდება პროფესიონალიზმი, ინოვაცია და ცოდნის მუდმივი გაღრმავება - შემოგვიერთდი.

თანამშრომელი - ჩვენი ძირითადი ღირებულებაა.

სრული ინფორმაციისთვის ეწვიეთ ჩვენს ვებგვერდს: https://nmg.com.ge/

სს "ნიკორა მენეჯმენტ ჯგუფის" ერთერთი შვილობილი კომპანია, აცხადებს ვაკანსიას მზა პროდუქციის საწყობის უფროსის პოზიციაზე:

ადგილმდებარეობა: ალ.მრევლიშვილის 2, ნაძალადევი, თბილისი

გრაფიკი: 08:00-17:00 საათამდე, (5 დღიანი სამუშაო გრაფიკი)

ანაზღაურება: 2500 ლარი, გადასახადების ჩათვლით;

ბენეფიტები: კვება.

ძირითადი ფუნქცია-მოვალეობები:

** საწყობში მიმდინარე ოპერაციების მართვა;

** დაქვემდებარებული თანამშრომლების გუნდის მართვა და შესრულებული სამუშაოს ხარისხის მონიტორინგი;

** წარმოებიდან მიღებული მზა პროდუქციის მითვლა/მიწონვისა და მიღებული პროდუქციის პროგრამული ასახვის უზრუნველყოფა;

** პროდუქციის შენახვა-დასაწყობების უზრუნველყოფა ყველა აუცილებელი წესის დაცვით;

** სავაჭრო ობიექტებიდან შემოსული შეკვეთების მიღება, დროულად აწყობა-მომზადებისა და გაცემის პროცესის კონტროლი;

** საწყობში არსებული მარაგებისა და ნაშთების კონტროლი, აღწერების წარმოება;

** შეკვეთებისა და ნაშთების ანალიზის შესაბამისად წარმოებისათვის გეგმის განსაზღვრა;

** საწყობში მიღებული და გაცემული პროდუქციის რაოდენობის ანალიზი და ხელმძღვანელთან ანგარიშგება;

** წუნდებული პროდუქციის აღწერა და ჩამოწერის უზრუნველყოფა;

** საწყობში ჰიგიენისა და სანიტარული ნორმების მკაცრი კონტროლი.

საკვალიფიკაციო მოთხოვნები:

** უმაღლესი განათლება;

** მსგავს პოზიციაზე მუშაობის გამოცდილება აუცილებელია;

** საოფისე კომპიუტერული პროგრამების ცოდნა;

** პროგრამა Apex-თან ან/და მომიჯნავე პროგრამებთან მუშაობის გამოცდილება სასურველია;

პიროვნული თვისებები და უნარები:

** სიზუსტესა და დეტალებზე ორიენტირებულობა;

** რაოდენობრივი და ანალიტიკური აზროვნების უნარი;

** დროული რეაგირებისა და რაციონალური გადაწყვეტილებების მიღების უნარი;

** შრომისმოყვარეობა და პასუხისმგებლობის გრძნობა;

** სტრესულ სიტუაციაში მუშაობის უნარი;

** გუნდური მუშაობის უნარი.

თუ დაინტერესდით ჩვენი ვაკანსიით და აკმაყოფილებთ ზემოთ მოყვანილ მოთხოვნებს, გთხოვთ გაეცანით ქვემოთ მოცემულ ინფორმაციას პერსონალური მონაცემების დამუშავების შესახებ და შემდეგ გამოაგზავნეთ თქვენი CV/რეზიუმე მისამართზე:. სათაურის ველში გთხოვთ მიუთითეთ ვაკანსიის დასახელება, წინააღმდეგ შემთხვევაში თქვენი კანდიდატურა არ განიხილება.

** გაცნობებთ, რომ თქვენს მიერ მოწოდებული ინფორმაცია, რომელიც შეიცვას პერსონალურ მონაცემებს, დამუშავდება - სს "ნიკორა მენეჯმენტ ჯგუფის" ს/კ (რეგისტრირებული მისამართი: ქ. თბილისი ალექსანდრე მრევლიშვილის ქ. #2) მიერ "პერსონალურ მონაცემთა დაცვის შესახებ" საქართველოს კანონის შესაბამისად დასაქმების მსურველი პირის/კანდიდატის არსებულ და/ან სამომავლო ვაკანსიის მოთხოვნებთან შესაბამისობის დადგენისა და დასაქმებისათვის საჭირო პროცედურების წარმართვის მიზნით. შესაბამისად, მოთხოვნილი ინფორმაციის მიუწოდებლობის შემთხვევაში, მოკლებული ვართ შესაძლებლობას განვიხილოთ თქვენი კანდიდატურა. მონაცემები ინახება არაუმეტეს 1 (ერთი) წლის ვადით.

** ამასთანავე, გაცნობებთ, რომ "პერსონალურ მონაცემთა დაცვის შესახებ" საქართველოს კანონის თანახმად, უფლება გაქვთ ნებისმიერ დროს მიიღოთ ინფორმაცია თქვენს შესახებ დამუშავებულ მონაცემთა თაობაზე, მოითხოვოთ მათი გაცნობა, ასლის მიღება, მცდარი არაზუსტი მონაცემების გასწორება, განახლება, შევსება, ასევე მონაცემთა გადატანა, დაბლოკვა, დამუშავების შეწყვეტა, წაშლა ან განადგურება, თუ არ არსებობს მონაცემთა სუბიექტის უფლებების შეზღუდვის საფუძველი, წერილობით შემდეგ ელ. ფოსტაზე შეტყობინების გაგზავნის გზით ან/და ფოსტის მეშვეობით სს "ნიკორა მენეჯმენტ ჯგუფის" ს/კ იურიდიულ მისამართზე: ქ. თბილისი ალ. მრევლიშვილის ქ. №2.

** სს "ნიკორა მენეჯმენტ ჯგუფი" ს/კ კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. დისკრიმინაციისგან დაცვა ასევე უზრუნველყოფილია შრომითი ურთიერთობის ნებისმიერ ეტაპზე.