დიაგნოსტიკისა და გენომური სექვენირების სპეციალისტი

ორგანიზაცია FHI 360-ის EpiC პროექტი, რომელიც აშშ-ის მთავრობის მიერ ფინანსდება, აცხადებს ვაკანსიას დიაგნოსტიკისა და გენომური სექვენირების სპეციალისტის (Diagnostic and Genomic Sequencing Specialist) საკონსულტაციო პოზიციაზე.

საკონსულტაციო მომსახურების მიზანია საქართველოში გენომური ზედამხედველობის ეროვნული და ინსტიტუციური შესაძლებლობების შეფასება და გაძლიერება საზოგადოებრივი ჯანდაცვის, ვეტერინარიისა და კერძო სექტორებში. კონსულტანტმა მჭიდროდ უნდა ითანამშრომლოს დაავადებათა კონტროლისა და საზოგადოებრივი ჯანდაცვის ეროვნულ ცენტრთან, ლუგარის ცენტრთან, გარემოს დაცვისა და სოფლის მეურნეობის სამინისტროსთან, და სოფლის მეურნეობის სახელმწიფო ლაბორატორიასთან.

ძირითადი ამოცანები მოიცავს ფრინველის გრიპისა და სხვა ზოონოზური დაავადებების გენომურ ზედამხედველობას, ლაბორატორიული შესაძლებლობების შეფასების ანგარიშების მომზადებას, ტექნიკური სამუშაო ჯგუფის მხარდაჭერას, პათოგენების პილოტური ვალიდაციის კვლევების ზედამხედველობასა და საქართველოში გენომური სექვენირების სტრატეგიის შემუშავების ხელშეწყობას, რათა ქვეყანა პოზიციონირდეს, როგორც ტრენინგ-ჰაბი აღმოსავლეთ ევროპასა და ცენტრალურ აზიაში. შესასრულებელი სამუშაოს დეტალური აღწერა ინგლისურ ენაზე იხილეთ თანდართულ ფაილში.

შერჩეული კანდიდატისგან მოითხოვება მოლეკულურ ბიოლოგიაში, გენომიკაში, ბიოინფორმატიკაში ან მომიჯნავე სფეროებში უმაღლესი განათლება (სასურველია მაგისტრის ან დოქტორის ხარისხი) და სულ მცირე 10-წლიანი გამოცდილება მოლეკულურ დიაგნოსტიკასა და გენომურ სექვენირებაში.

განაცხადის წარდგენის ბოლო ვადაა 2026 წლის 19 ოქტომბერი, ხოლო განაცხადების განხილვა განხორციელდება უწყვეტ რეჟიმში, შემოსვლისთანავე (on a rolling basis).

დაინტერესებულმა პირებმა მითითებულ მისამართებზე (Omari Jones - ojones@fhi360.org, Bermet Dosaaly - BDosaaly@fhi360.org) უნდა გააგზავნონ რეზიუმე (CV) და სამოტივაციო წერილი, რომელშიც მითითებული იქნება შესაბამისი გამოცდილება, ხელმისაწვდომობა და მოთხოვნილი დღიური ან საათობრივი ანაზღაურების განაკვეთი. კანდიდატების შეფასება მოხდება მათი კვალიფიკაციისა და შეთავაზებული ფასის ოპტიმალური თანაფარდობის საფუძველზე.