საოპერაციო მენეჯერი

შპს "ვიქტორია 98" საქართველოს ბაზარზე 1996 წლიდან არსებობს და წარმოადგენს მამაკაცისა და ქალის მსოფლიოში წამყვან ევროპულ ბრენდებს. ჩვენ, პირველად საქართველოში, ქართველ მომხმარებელს შევთავაზეთ ისეთი პრემიუმ ბრენდების ფართო არჩევანი, როგორიცაა: Kenzo, Roy Robson, Van Laack, Daniel Hechter, Fynch Hatton, Hiltl, Seiden Sticker. აღნიშნული ბრენდები დღეს უკვე წარმოდგენილია ჩვენს მულტი-ბრენდ მაღაზიაში: "ჯენტლმენი" და "გარდერობი" თბილისსა და ბათუმში.

"ვიქტორია98", ერთადერთი ოფიციალური წარმომადგენელია საქართველოში, ისეთ საერთაშორისოდ აღიარებული და ცნობილი ბრენდების, როგორიცაა "ერმენეჯილდო ზენია", "ჰუგო ბოსი" და "პოლ & შარკი".

ჩვენი მიზანია, მომხმარებლების საჭიროებებისა და მოთხოვნილებების დაკმაყოფილება და საუკეთესო პროდუქციის შეთავაზება.

შპს "ვიქტორია-98" აცხადებს ვაკანსიას საოპერაციო მენეჯერის პოზიციაზე.

სამუშაო პირობები

• სამუშაო ადგილი: თბილისი;
• ანაზღაურება: 2500 ლარი, გამოსაცდელ პერიოდის (6 თვე) შემდეგ 3500 ლ.

ძირითადი ფუნქცია-მოვალეობები

• კომპანიის ელფოსტაზე შემომავალი პარტნიორების წერილების მიღება/გაანალიზება და მიმოწერებში ჩართვა;
• უცხოელ პარტნიორებთან მუდმივი კომუნიკაციის წარმოება;
• გადასარიცხი და განსაბაჟებელი ინვოისების მოპოვება და შექმნა;
• გაყიდვების პროგრამაში ასატვირთი ექსელის ფაილების მომზადება;
• სრული ლოჯისტიკური ციკლის მონიტორინგი და კოორდინაცია - შეკვეთის განთავსებიდან საქონლის მაღაზიაში მიღებამდე;
• იმპორტირებული საქონლის რაოდენობრივი დანაკლისისა და ზედმეტობის (მეტობა-ნაკლებობის) მონიტორინგი, შესაბამის საკითხებზე ბრენდებთან კომუნიკაცია და პრობლემების დროული აღმოფხვრის პროცესის კოორდინაცია;
• საერთაშორისო ბრენდებისა და ადგილობრივი პარტნიორების მიმართ ფინანსური ვალდებულებების კონტროლი, ფინანსურ სამსახურთან ოპერაციული და ფინანსური საკითხების კოორდინაცია;
• სამსახურებრივი მივლინებების დაგეგმვა და ორგანიზაციული პროცესების უზრუნველყოფა;
• შესყიდული, შესასყიდი და გამოსასყიდი ერთეულების მონიტორინგი, მონაცემების ანალიზი და პერიოდული რეპორტინგი.

საკვალიფიკაციო მოთხოვნები და უნარები

• უმაღლესი განათლება;
• ინგლისური ენის ცოდნა;
• კომპიუტერული პროგრამების ცოდნა (Microsoft Office: Word, Excel, Outlook).

პიროვნული უნარ-ჩვევები

• გუნდური მუშაობის უნარი;
• დეტალებზე ორიენტირებული;
• სწრაფად რეაგირების უნარი;
• ყურადღებიანი;
• კეთილსინდისიერი.

დაინტერესებულ კანდიდატებს გთხოვთ, გამოაგზავნოთ რეზიუმე ელექტრონულ მისამართზე.

გთხოვთ სათაურის ველში მიუთითოთ ვაკანსიის დასახელება - "საოპერაციო მენეჯერი"

მადლობას გიხდით ვაკანსიით დაინტერესებისთვის და გაცნობებთ, რომ, თქვენს მიერ გამოგზავნილი რეზიუმე, საქართველოს კანონის "პერსონალური მონაცემთა დაცვის შესახებ" შესაბამისად ექვემდებარება შენახვა-დამუშავებას 1 წლის განმავლობაში.