კვების ობიექტების მართვის დეპარტამენტის უფროსის მოადგილე
კომპანია შპს "სახელმწიფო კვებითი უზრუნველყოფა" აცხადებს ვაკანსიას კვების ობიექტების მართვის დეპარტამენტის უფროსის მოადგილის თანამდებობაზე ქ. თბილისში.
ძირითადი მოთხოვნები:
- უმაღლესი განათლება (სასურველია ბიზნესის ადმინისტრირების, ეკონომიკის, საჯარო მართვის ან სასურსათო ტექნოლოგიის მიმართულებით);
- 3 (სამწლიანი) სამუშაო გამოცდილება მსგავს პოზიციებზე;
- სურსათის უვნებლობის სფეროსთან დაკავშირებული საკანონმდებლო ბაზის ცოდნა;
- პროდუქტების შენახვის პირობების, სურსათის უვნებლობის ნორმებისა (HACCP პრინციპები) და კერძების მომზადების ტექნოლოგიების ცოდნა;
- კვების ობიექტებში მენიუს შედგენისა და ულუფების დაგეგმარების პრაქტიკული გამოცდილება.
- საოფისე პროგრამების სრულყოფილად ცოდნა, პირველ რიგში MS Excel-ის მაღალ დონეზე ცოდნა, მონაცემთა ანალიზისა და ანგარიშგებისთვის.
ფუნქცია-მოვალეობები:
- კვების ობიექტების სამუშაო პროცესების ეფექტური მართვა;
- კომერციული ობიექტების (კომერციული სასადილო, მაღაზია) სამუშაო პროცესების ეფექტური მართვა;
- მთავარი მენეჯერების მიმდინარე საქმიანობის გეგმების შემუშავებაში მონაწილეობის მიღება და მათ შესრულებაზე კონტროლი;
- მომხმარებლის მოთხოვნებისა და სურვილების გათვალისწინება მენიუსთან დაკავშირებით;
- მუდმივად, კვების ობიექტებზე კერძების მომზადების წესების დაცვის კონტროლი;
- კვების ობიექტებზე ხარჯების ყოველდღიური ანალიზის პროცესის კონტროლი (ნედლეული, ქიმიური საშუალებები, პერსონალი);
- კვების ობიექტებზე ულუფების დაგეგმარების კონტროლი;
- კვების ობიექტებზე საკვები პროდუქტების შენახვის პირობების დაცვაზე კონტროლის განხორციელება;
- საკვები პროდუქტებისა და სარეცხ-საწმენდი საშუალებების ტექნიკური სპეციფიკაციების შემუშავება და სახელმწიფო შესყიდვების სამსახურისათვის მიწოდება;
- საანგარიშო პერიოდში მომსახურების გასაწევად საჭირო საკვები პროდუქტებისა და სარეცხ-საწმენდი საშუალებების რაოდენობების გათვლა და სახელმწიფო შესყიდვების დეპარტამენტისთვის მიწოდების კონტროლი;
- საკვები პროდუქტების (ორგანოლეპტიკური მაჩვენებელი) და მზა კერძების (საგემოვნო თვისებები) ხარისხის კონტროლის ორგანიზება;
- კომერციულ ობიექტებზე არსებული სასაქონლე ნაშთების და ფულადი სახსრების კონტროლი;
- უშუალო ხელმძღვანელისაგან მიღებული დავალებების/მითითებების დროულად, ხარისხიანად და ეფექტურად შესრულება.
პიროვნული კომპეტენციები/უნარები:
- გუნდის (მათ შორის მთავარი მენეჯერების) ეფექტური მართვის, სამუშაო პროცესების დაგეგმვისა და კონტროლის უნარი;
- დაგეგმვისა და ორგანიზების უნარი;
- პრობლემების გადაჭრის უნარი;
- გუნდური მუშაობის უნარი;
- გადაწყვეტილების მიღების უნარი;
- კომუნიკაბელური;
- დისციპლინირებული/პუნქტუალური;
- დეტალებზე ორიენტირებული.
ჩვენ გთავაზობთ:
- ჯანმრთელობის დაზღვევას;
- ჯანსაღ სამუშაო გარემოსა და მეგობრულ გუნდს.
სამუშაო საათები: 09:00-18:00 / (1 საათი შესვენება); სამუშაო დღეები: ორშაბათი-პარასკევი / კვირაში 5 დღე; ანაზღაურება: შეთანხმებით.
დაინტერესების შემთხვევაში, გთხოვთ, გამოაგზავნოთ თქვენი CV შემდეგ ელექტრონულ მისამართზე ან დაგვიკავშირდით შემდეგ ტელეფონის ნომერზე: 995 32 2 200 122, 2026 წლის 30 სექტემბრის ჩათვლით.
მადლობას გიხდით ვაკანსიით დაინტერესებისათვის!
Bu iş ilanının bir kopyasını, Gürcistan'da iş arayanların bulabilmesi için yayınlıyoruz, orijinal ilanınıza geri bağlantı ile. Eğer sizin ise, yönetimini ele alabilir veya bizden kaldırmamızı isteyebilirsiniz.
Sahiplenilen bir ilan Direct olur: aynalı kopyaların üzerinde gösterilir, başvurular panonuza düşer ve ilan Google iş aramaya dahil olur.
