საუზმის მზარეული
სასტუმრო-კომპლექსი "ვილა მოსავალი" აცხადებს ვაკანსიას საუზმის მზარეულის პოზიციაზე. "ვილა მოსავალი" მდებარეობს ნატახტარში, სოფელ ახალუბანში და აერთიანებს სასტუმროს, ქართულ და ევროპულ რესტორნებსა და მასშტაბურ საბანკეტო და ღონისძიებების სივრცეებს.
სამუშაო ადგილი: ნატახტარი, სოფელი ახალუბანი დასაქმების ფორმა: სრული განაკვეთი
ძირითადი მოვალეობები:
- სასტუმროს სტუმრებისთვის საუზმის კერძების მომზადება დამტკიცებული მენიუსა და სტანდარტების მიხედვით;
- ცხელი და ცივი საუზმის პოზიციების დროული და ხარისხიანი მომზადება;
- საუზმის ბუფეტის შევსება, კერძების ვიზუალური მხარისა და ტემპერატურის კონტროლი;
- ნედლეულის მიღება, ხარისხისა და ვარგისიანობის შემოწმება და სწორად შენახვა;
- პროდუქციის დანახარჯისა და პორციების დადგენილი სტანდარტების დაცვა;
- სამუშაო ადგილის, ინვენტარისა და ტექნიკის სისუფთავის უზრუნველყოფა;
- სურსათის უვნებლობისა და სანიტარიულ-ჰიგიენური ნორმების დაცვა;
- სამზარეულოს გუნდთან ეფექტიანი თანამშრომლობა.
საკვალიფიკაციო მოთხოვნები:
- საუზმის კერძებისა და ძირითადი კულინარიული ტექნიკების ცოდნა;
- მსგავს პოზიციაზე მუშაობის გამოცდილება ჩაითვლება უპირატესობად;
- პროდუქციის ხარისხისა და პრეზენტაციის მიმართ ყურადღება;
- პასუხისმგებლობის მაღალი გრძნობა და დისციპლინირებულობა;
- სწრაფ და დატვირთულ გარემოში ორგანიზებულად მუშაობის უნარი;
- გუნდური მუშაობისა და ეფექტიანი კომუნიკაციის უნარი.
სამუშაო პირობები:
- სამუშაო გრაფიკი: 5/2, ცვლების შესაბამისად;
- სამუშაო დღის ხანგრძლივობა: 9 საათი, მათ შორის 1-საათიანი შესვენება;
- ანაზღაურება: 1500-2000 ლარი ხელზე, კანდიდატის გამოცდილებისა და კვალიფიკაციის შესაბამისად;
- კვებით უზრუნველყოფა;
- ტრანსპორტირება თბილისიდან;
- საჭიროების შემთხვევაში, სასტუმროს მიმდებარედ თანამშრომლებისთვის განკუთვნილი საცხოვრებლით უზრუნველყოფა;
- პროფესიული განვითარებისა და კარიერული ზრდის შესაძლებლობა.
განაცხადის წარდგენა
დაინტერესებულ კანდიდატებს გთხოვთ, გამოაგზავნოთ CV ელექტრონულ მისამართზე. ელფოსტის სათაურის ველში მიუთითეთ — "საუზმის მზარეული".
პერსონალური მონაცემების დაცვა:
კანდიდატის მიერ გამოგზავნილი ინფორმაცია დამუშავდება მხოლოდ შერჩევის მიზნით და შეინახება პროცესის დასრულებიდან 6 თვის განმავლობაში, "პერსონალურ მონაცემთა დაცვის შესახებ" საქართველოს კანონის შესაბამისად.
Bu iş ilanının bir kopyasını, Gürcistan'da iş arayanların bulabilmesi için yayınlıyoruz, orijinal ilanınıza geri bağlantı ile. Eğer sizin ise, yönetimini ele alabilir veya bizden kaldırmamızı isteyebilirsiniz.
Sahiplenilen bir ilan Direct olur: aynalı kopyaların üzerinde gösterilir, başvurular panonuza düşer ve ilan Google iş aramaya dahil olur.
