კორპორატიული აბონენტების მომსახურების მენეჯერი
შპს "სქაიტელი" 2010 წლიდან წარმოადგენს ერთ-ერთ ლიდერ სატელეკომუნიკაციო კომპანიას საქართველოში, რომელიც პოზიციონირებს ინტერნეტ პროვაიდერების დიდ სამეულში. ჩვენ ქვეყნის მოსახლეობას და არაერთ ორგანიზაციას მაღალხარისხიანი სატელეკომუნიკაციო მომსახურებით წლებია უზრუნველვყოფთ, რისთვისაც ვიყენებთ მსოფლიოს სატელეკომუნიკაციო ბაზარზე არსებულ უახლეს ტექნოლოგიებს და გადაწყვეტილებებს.
კომპანიის შესახებ დამატებითი ინფორმაციისთვის ეწვიეთ ვებ-გვერდს: https://skytel.ge/ge/main
შპს "სქაიტელი" აცხადებს ვაკანსიას კორპორატიული აბონენტების მომსახურების მენეჯერის პოზიციაზე.
დასაქმების ადგილი - თბილისი, დ. გურამიშვილის 23ა# დაქვემდებარება - კორპორატიული აბონენეტების მომსახურების გუნდის ხელმძღვანელი. სამუშაო გრაფიკი - ორშაბათი-პარასკევი; 10:00 სთ-18:00 სთ (1 სთ შესვენება) ანაზღაურება - 1400-1600 ლარი (Net) + კვარტლური ბონუსი გამოსაცდელი ვადა - 6 თვე (ანაზღაურებადი)
დამატებით სარგებელი:
- ჯანმრთელობის დაზღვევა
- FitPass (კორპ. პირობებით)
- ავტომობილის დაზღვევა (კორპ. პირობებით)
- კომპანიის სერვისზე 50%-იანი ფასდაკლება
ფუნქცია-მოვალეობები:
- კომპანიის პროდუქტის სიღრმისეული შესწავლა/ცოდნა;
- პორტფელში არსებული კორპორატიული კლიენტების მომსახურება და მათი საჭიროებების მართვა;
- კორპორატიული აბონენტების ტექნიკური და ადმინისტრაციული მხარდაჭერა;
- მომსახურების ხარისხის კონტროლი და გაუმჯობესებაზე ზრუნვა;
- კორპორატიული აბონენტების პრობლემებზე დრული რეაგირება და აღმოფხვრა;
- კორპორატიული აბონენტების დავალიანებების და ჩარიცხვების კონტროლი;
- საჭიროების მიხედვით, სხვადასხვა მნიშვნელოვანი სტატისტიკური მონაცემების შესახებ ყოველთვიური ანგარიშგება უშუალო ხელმძღვანელთან და სხვა დაინტერესებულ პირებთან;
- მომსახურების გაუმჯობესების შესახებ რეკომენდაციების შემუშავება;
საკვალიფიკაციო მოთხოვნები:
- უმაღლესი განათლება, სასურველია ბიზნეს ადმინისტრირების, ან ფინანსების მიმართულებით;
- იგივე, ან მსგავსს პოზიციაზე მუშაობის სულ მცირე 2 წლიანი გამოცდილება;
- აუცილებელია ქართული ენის გამართულად ცოდნა; სასურველია რუსული და ინგლისური ენების სასაუბრო დონე;
- Excel - რეპორტინგისთვის საჭირო ცოდნა;
უნარები/შესაძლებლობები:
- ეფექტური კომუნიკაციის უნარი;
- დაგეგმვის და დროის მართვის უნარი;
- ანალიზის უნარი;
- გუნდური მუშაობა;
- მოლაპარაკების წარმოების უნარი;
- დეტალებზე და სერვისზე ფოკუსირებული;
პიროვნული მახასიათებლები:
- ინიციატივიანი;
- პასუხისმგებლობის გრძნობა;
- შრომისმოყვარე;
- ორგანიზებული და პუნქტუალური;
თქვენ მიერ გამოგზავნილი რეზიუმე "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის განსაკუთრებული კატეგორიის მონაცემებსაც. გაცნობებთ, რომ თქვენი პერსონალური მონაცემები შპს "სქაიტელის" მხრიდან დამუშავდება დასაქმების თაობაზე გადაწყვეტილების მიღების მიზნებისათვის. შესაძლებელია დამსაქმებელმა თქვენი კანდიდატურა განიხილოს სხვა ვაკანტური პოზიციისთვის.
თუ ეთანხმდებით ზემოთ აღნიშნულ პირობებს, გთხოვთ გამოგვიგზავნოთ CV შემდეგ ელექტრონულ მისამართზე. გთხოვთ სათაურის ველში მიუთითოთ ვაკანსიის დასახელება - "კორპორატიული აბონენტების მომსახურების მენეჯერი".
დაკავშირება მოხდება კანდიდატებთან, რომელთა განაცხადიც შესაბამისობაში იქნება ვაკანტური პოზიციის მოთხოვნებთან.
გისურვებთ წარმატებებს!
Bu iş ilanının bir kopyasını, Gürcistan'da iş arayanların bulabilmesi için yayınlıyoruz, orijinal ilanınıza geri bağlantı ile. Eğer sizin ise, yönetimini ele alabilir veya bizden kaldırmamızı isteyebilirsiniz.
Sahiplenilen bir ilan doğrudan ilan olur: yayından veya öne çıkarmadan sonra bir hafta boyunca toplanan ilanların üzerinde gösterilir, onu düzenleyebilir, öne çıkarabilir ve kapatabilirsiniz, ilan da Google iş aramaya dahil olur.
