ვეტერინარი ქირურგის ასისტენტი

ვეტერინარული კლინიკა "ნეოვეტი" აცხადებს ვაკანსიას ქუთაისში ვეტერინარი ქირურგის ასისტენტის პოზიციაზე.

სამუშაო ადგილი: ქუთაისი ვაკანტური ადგილების რაოდენობა: 2 სამუშაო გრაფიკი: 10:00-15:00 ან 14:00-19:00 ანაზღაურება: 600 ლარი

სამუშაოს მიზანი:

ვეტერინარისა და ქირურგის ყოველდღიური სამუშაო პროცესის მხარდაჭერა, პაციენტის მიღებასა და პროცედურებისთვის მომზადებაში მონაწილეობა, ოპერაციის დროს ასისტირება და პოსტოპერაციული მოვლა. სამუშაოს განუყოფელი ნაწილია სამედიცინო სივრცის დასუფთავება, დეზინფექცია, ინსტრუმენტების დამუშავება და წესრიგის შენარჩუნება.

მოთხოვნები:

• სამედიცინო განათლება ან სამედიცინოს სტუდენტის სტატუსი.
• აქტიურობა, მოტივაცია და პრაქტიკული უნარების განვითარების სურვილი.
• პასუხისმგებლობა, ყურადღება დეტალებისადმი და გუნდური მუშაობის უნარი.
• ცხოველებთან მზრუნველი მოპყრობისა და ჰიგიენის წესების დაცვის მზადყოფნა.

ძირითადი მოვალეობები:

• პაციენტის მიღება და მომზადება
• პაციენტის მიღებაში მონაწილეობა, მფლობელისგან ანამნეზის შეკრება და არსებული სამედიცინო ისტორიის გაცნობა.
• წონის, ტემპერატურისა და სხვა საჭირო მაჩვენებლების გაზომვა და დაფიქსირება, შესაბამისი მომზადებისა და ექიმის მითითების ფარგლებში.
• პაციენტის იდენტიფიკაციის, ჩანაწერებისა და საჭირო წინასაოპერაციო კვლევების გადამოწმებაში დახმარება.
• ექიმის მითითებით პაციენტისა და საოპერაციო უბნის მომზადება, მათ შორის ბეწვის მოცილება და კანის დამუშავება.
• ოპერაციამდე და ოპერაციის დროს ასისტირება
• საოპერაციო სივრცის, აპარატურის, ინსტრუმენტების, მედიკამენტებისა და სახარჯი მასალების მომზადება; შეფუთვების მთლიანობისა და სტერილობის შემოწმება.
• ქირურგის უშუალო ასისტირება, საჭირო ინსტრუმენტებისა და მასალების დროული მიწოდება, სტერილური ველისა და ასეპტიკის წესების დაცვა.
• პაციენტის მდგომარეობის მონიტორინგში მონაწილეობა საკუთარი კომპეტენციის ფარგლებში; ცვლილების ან ხარვეზის შესახებ ექიმის დაუყოვნებლივ ინფორმირება.

პოსტოპერაციული მოვლა:

** პაციენტის უსაფრთხოდ გადაყვანაში დახმარება და გამოღვიძების პერიოდში დაკვირვება პასუხისმგებელი ექიმის ზედამხედველობით. ** დანიშნული პროცედურებისა და მედიკამენტების გამოყენებაში მონაწილეობა შესაბამისი მომზადების, კომპეტენციისა და ექიმის მითითების ფარგლებში. ** ჭრილობისა და ზოგადი მდგომარეობის დაკვირვება, საჭირო მაჩვენებლების დაფიქსირება და გართულების ნიშნების შესახებ ექიმის დაუყოვნებლივ ინფორმირება. დასუფთავება დეზინფექცია და სტერილიზაცია ** საოპერაციოსა და სხვა სამედიცინო სამუშაო სივრცეების მომზადება პროცედურამდე, დასუფთავება და მოწესრიგება პროცედურის შემდეგ. ** სამუშაო ზედაპირების დეზინფექცია და სუფთა და დაბინძურებული ინსტრუმენტებისა და მასალების გამიჯვნა. ** გამოყენებული ინსტრუმენტების უსაფრთხოდ შეგროვება, დამუშავება, შეფუთვა და სტერილიზაცია კლინიკის დამტკიცებული პროცედურის შესაბამისად; შესაბამისი ჩანაწერების წარმოება. ** ბასრი და სხვა სამედიცინო ნარჩენების შესაბამის კონტეინერებში მოთავსება; ინდივიდუალური დაცვის საშუალებების სწორად გამოყენება. მედიკამენტებისა და სახარჯი მასალების კონტროლი ** პროცედურებისთვის საჭირო მედიკამენტებისა და მასალების არსებობის კონტროლი და დაბალი მარაგის შესახებ პასუხისმგებელი პირის დროული ინფორმირება. ** პრეპარატის დასახელების, ვარგისობის ვადისა და შეფუთვის მდგომარეობის შემოწმება; გახსნილი პრეპარატების მარკირება კლინიკის წესის შესაბამისად. ** მინდობილი აპარატურის, ინსტრუმენტებისა და მასალების სწორად გამოყენება და შენახვა.

დაინტერესებულ კანდიდატებს გთხოვთ, გამოაგზავნოთ CV ფოტოსურათით მეილზე ელფოსტის სათაურში მიუთითეთ "ვეტერინარი ქირურგის ასისტენტი", ხოლო წერილში — სასურველი სამუშაო გრაფიკი: 10:00-15:00 ან 14:00-19:00.