კატეგორიის განვითარების მენეჯერი

ჩვენი ისტორია 1998 წელს დაიწყო.

კომპანიის პირველი ნაბიჯები ხორცპროდუქტების წარმოებას უკავშირდება, თუმცა წლების განმავლობაში განვითარების შედეგად ჩამოვყალიბდით მრავალპროფილურ ბიზნეს ჯგუფად.

დღეს, NMG (ნიკორა მენეჯმენტ ჯგუფი) წარმოადგენს საქართველოში მოქმედ მრავალპროფილურ საინვესტიციო და მმართველობით პლატფორმას, რომელიც აერთიანებს წამყვან კომპანიებს კვების წარმოების, რითეილის, ლოჯისტიკისა და სხვა სექტორებში.

ჩვენი მისიაა ღია და სანდო პარტნიორობაზე დაფუძნებული ბიზნესგარემოს შექმნა, რომელიც უზრუნველყოფს შვილობილი კომპანიების გრძელვადიან განვითარებას და ქმნის ეკონომიკურ და საზოგადოებრივ ღირებულებებს.

NMG ქართულ ბაზარზე ერთ-ერთი მსხვილი დამსაქმებელია. ჯგუფში, დღეს, 10 000-ზე მეტი თანამშრომელი მუშაობს და კომპანიის განვითარებასთან ერთად ეს რიცხვი მუდმივად იზრდება. ჩვენ ვქმნით მდგრად, ღირებულებებზე დაფუძნებულ სამუშაო გარემოს, სადაც თანამშრომლების პროფესიული და კარიერული განვითარება ერთ-ერთი მთავარი პრიორიტეტია.

თუ ეძებ შესაძლებლობას, იმუშაო სტაბილურ და განვითარებაზე ორიენტირებულ კომპანიაში, სადაც ფასდება პროფესიონალიზმი, ინოვაცია და ცოდნის მუდმივი გაღრმავება - შემოგვიერთდი. თანამშრომელი - ჩვენი ძირითადი ღირებულებაა.

სრული ინფორმაციისთვის ეწვიეთ ჩვენს ვებგვერდს: https://nmg.com.ge/

სს "ნიკორა მენეჯმენტ ჯგუფის" შვილობილი კომპანია შპს "პარტნიორი" აცხადებს ვაკანსიას კატეგორიის განვითარების მენეჯერის პოზიციაზე თევზეულის კატეგორიაზე.

თუ გაქვს ორგანიზებულ ქსელებთან (Key Accounts) მუშაობის გამოცდილება და გსურს პროდუქტის ბაზარზე განვითარებაზე ზრუნვა, შემოუერთდი ჩვენს გუნდს!

სამუშაო ადგილი: თბილისი, ფეიქრების ქუჩა; სამუშაო გრაფიკი: 10:00-18:00 (შაბათ-კვირის გარდა);

ძირითადი ფუნქცია-მოვალეობები:

• ქსელებთან ურთიერთობა (Key Accounts): ორგანიზებულ ქსელებთან მოლაპარაკებების წარმოება, გრძელვადიანი თანამშრომლობის შენარჩუნება და გაყიდვების გეგმის შესრულება;
• ასორტიმენტის მართვა: თევზეულის კატეგორიის მართვა და ახალი პროდუქტების ქსელებში ინტეგრაცია (ლისტინგი);
• პრომო აქტივობები: ქსელებთან ერთად ფასდაკლებებისა და აქციების დაგეგმვა, შედეგების მონიტორინგი;
• ხილვადობის გაზრდა: პროდუქციის თაროზე განაწილების (მერჩენდაიზინგის) სტანდარტების კონტროლი და თაროს წილის მაქსიმიზაცია;
• მარაგების კონტროლი: ქსელებში პროდუქციის ნაშთების კონტროლი და მიწოდების წყვეტის პრევენცია;
• ბაზრის მონიტორინგი: კონკურენტების აქტივობებისა და ფასების ანალიზი ლოკალურ ბაზარზე.

საკვალიფიკაციო მოთხოვნები:

• მინიმუმ 2 წლიანი სამუშაო გამოცდილება Key Account მენეჯერის, კატეგორიის მენეჯერის ან გაყიდვების მართვის მიმართულებით (FMCG/სურსათის სფეროში გამოცდილება ჩაითვლება უპირატესობად);
• ორგანიზებულ ქსელებთან მუშაობის სპეციფიკისა და სტრუქტურის ცოდნა;
• მოლაპარაკებების წარმართვის, დამარწმუნებელი კომუნიკაციისა და პრეზენტაციის უნარი;
• Excel-ის პრაქტიკულ დონეზე ცოდნა;
• სასურველი ინგლისური და რუსული ენების ცოდნა.

თუ დაინტერესდით ჩვენი ვაკანსიით და აკმაყოფილებთ ზემოთ მოყვანილ მოთხოვნებს, გთხოვთ გაეცანით ქვემოთ მოცემულ ინფორმაციას პერსონალური მონაცემების დამუშავების შესახებ და შემდეგ გამოაგზავნეთ თქვენი CV/რეზიუმე მისამართზე. სათაურის ველში გთხოვთ მიუთითეთ ვაკანსიის დასახელება, წინააღმდეგ შემთხვევაში თქვენი კანდიდატურა არ განიხილება.

• გაცნობებთ, რომ თქვენს მიერ მოწოდებული ინფორმაცია, რომელიც შეიცვას პერსონალურ მონაცემებს, დამუშავდება - სს "ნიკორა მენეჯმენტ ჯგუფის" ს/კ 200050675 (რეგისტრირებული მისამართი: ქ. თბილისი ალექსანდრე მრევლიშვილის ქ. #2) მიერ "პერსონალურ მონაცემთა დაცვის შესახებ" საქართველოს კანონის შესაბამისად დასაქმების მსურველი პირის/კანდიდატის არსებულ და/ან სამომავლო ვაკანსიის მოთხოვნებთან შესაბამისობის დადგენისა და დასაქმებისათვის საჭირო პროცედურების წარმართვის მიზნით. შესაბამისად, მოთხოვნილი ინფორმაციის მიუწოდებლობის შემთხვევაში, მოკლებული ვართ შესაძლებლობას განვიხილოთ თქვენი კანდიდატურა. მონაცემები ინახება არაუმეტეს 1 (ერთი) წლის ვადით.
• ამასთანავე, გაცნობებთ, რომ "პერსონალურ მონაცემთა დაცვის შესახებ" საქართველოს კანონის თანახმად, უფლება გაქვთ ნებისმიერ დროს მიიღოთ ინფორმაცია თქვენს შესახებ დამუშავებულ მონაცემთა თაობაზე, მოითხოვოთ მათი გაცნობა, ასლის მიღება, მცდარი არაზუსტი მონაცემების გასწორება, განახლება, შევსება, ასევე მონაცემთა გადატანა, დაბლოკვა, დამუშავების შეწყვეტა, წაშლა ან განადგურება, თუ არ არსებობს მონაცემთა სუბიექტის უფლებების შეზღუდვის საფუძველი, წერილობით შემდეგ ელ. ფოსტაზე შეტყობინების გაგზავნის გზით ან/და ფოსტის მეშვეობით სს "ნიკორა მენეჯმენტ ჯგუფის" ს/კ 200050675 იურიდიულ მისამართზე: ქ. თბილისი ალ. მრევლიშვილის ქ. №2.
• სს "ნიკორა მენეჯმენტ ჯგუფი" ს/კ 200050675 კანდიდატთა შერჩევის პროცესს ახორციელებს დისკრიმინაციის ყველა ფორმით აღმოფხვრის შესახებ კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. დისკრიმინაციისგან დაცვა ასევე უზრუნველყოფილია შრომითი ურთიერთობის ნებისმიერ ეტაპზე.