უმცროსი ტექნიკური ინჟინერი

სამშენებლო კომპანია შპს „ალუმეტ“ აცხადებს ვაკანსიას Facade Engineer / ფასადების ინჟინრის პოზიციაზე.

შპს „ალუმეტ“ 2009 წლიდან საქმიანობს სამშენებლო სფეროში. კომპანიის ძირითადი მიმართულებაა ალუმინისა და მინის საფასადე სისტემების, ალუმინისა და მეტალოპლასტმასის კარ-ფანჯრების, ვენტილირებადი ფასადებისა და მინის მოაჯირების მოწყობა.

ვეძებთ გამოცდილ ფასადების ინჟინერს, რომელსაც შეუძლია პროექტის ტექნიკურ ნაწილზე დამოუკიდებლად მუშაობა — არქიტექტურული და ტექნიკური დოკუმენტაციის დამუშავებიდან, სისტემებისა და კვანძების ტექნიკური გადაწყვეტებიდან, მასალების რაოდენობებისა და საწარმოო დავალებების მომზადებამდე.

ძირითადი ფუნქცია-მოვალეობები

• არქიტექტურული და ტექნიკური ნახაზების კითხვა, ანალიზი და დამუშავება;
• სამუშაო და დეტალური ნახაზების მომზადება AutoCAD-ში და ალუმინის სისტემების/კონსტრუქციების დამუშავება Orgadata-ში;
• ალუმინის კარ-ფანჯრებისა და საფასადე სისტემების ტექნიკური გადაწყვეტებისა და კვანძების დამუშავება;
• პროექტის ტექნიკური დოკუმენტაციის მომზადება და მართვა;
• პროექტისთვის საჭირო სამუშაო მოცულობების უწყისების მომზადება;
• საორიენტაციო ხარჯთაღრიცხვებისა და შესრულებული სამუშაოების მოცულობების უწყისების მომზადებაში მონაწილეობა;
• პროექტისთვის საჭირო მასალების რაოდენობების განსაზღვრა;
• პროექტისთვის შესყიდული მასალების რაოდენობების შედარება პროექტით გათვალისწინებულ საჭიროებებთან და მათი კონტროლი;
• საწარმოსთვის საწარმოო დავალებების მომზადება და გაცემა;
• ობიექტისთვის საჭირო სამონტაჟო მასალების ნუსხისა და რაოდენობების მომზადება;
• საპროექტო, საწარმოო და სამონტაჟო პროცესებს შორის ტექნიკური კოორდინაცია;
• პროექტის მენეჯერთან, საწარმოსთან, შესყიდვების დეპარტამენტთან და სხვა შესაბამის განყოფილებებთან კოორდინაცია;
• ტექნიკური საკითხებისა და შესაძლო შეუსაბამობების დროული იდენტიფიცირება და შესაბამისი გადაწყვეტილებების შემუშავება;
• სამუშაო პროცესების მუდმივი ანალიზი და ოპტიმიზაცია ეფექტიანობის გაზრდისა და დანაკარგების შემცირების მიზნით.

საკვალიფიკაციო მოთხოვნები

• უმაღლესი განათლება საინჟინრო, ტექნიკურ ან მონათესავე სფეროში;
• ფასადების ინჟინრის ან ანალოგიურ პოზიციაზე მინიმუმ 3 წლიანი სამუშაო გამოცდილება;
• ალუმინის კარ-ფანჯრებისა და საფასადე სისტემებთან მუშაობის პრაქტიკული გამოცდილება — აუცილებელია;
• Orgadata-ს კარგი ცოდნა და პროგრამაში დამოუკიდებლად მუშაობის გამოცდილება — აუცილებელია;
• ალუმინის კარ-ფანჯრებისა და საფასადე სისტემების ტექნიკური გადაწყვეტებისა და კვანძების დამუშავების გამოცდილება;
• სამშენებლო, არქიტექტურული და ტექნიკური ნახაზების კარგად წაკითხვისა და დამუშავების უნარი;
• AutoCAD-ის კარგი ცოდნა;
• Excel-ის ცოდნა მინიმუმ საშუალო დონეზე;
• ArchiCAD-ის ან სხვა შესაბამისი საინჟინრო პროგრამების ცოდნა ჩაითვლება უპირატესობად;
• ინგლისური და/ან რუსული ენის ცოდნა ჩაითვლება უპირატესობად;
• ანალიტიკური აზროვნება და დეტალებზე ორიენტირებულობა;
• ტექნიკური პრობლემების დამოუკიდებლად გაანალიზებისა და გადაწყვეტის უნარი;
• დამოუკიდებლად და გუნდურად მუშაობის უნარი;
• პასუხისმგებლობის მაღალი გრძნობა და ორგანიზებულობა.

სამუშაო პირობები

• სამუშაო ადგილი — თბილისი;
• სამუშაო დღეები — ორშაბათი–პარასკევი; შაბათი — საჭიროების შემთხვევაში, ნახევარი სამუშაო დღე;
• ანაზღაურება — 3,500–5,000 ლარი, გამოცდილებისა და კვალიფიკაციის შესაბამისად;
• პროფესიული და ფინანსური ზრდის შესაძლებლობა.

კომპანიის შესახებ დამატებითი ინფორმაცია შეგიძლიათ იხილოთ: alumet.ge დაინტერესებულმა კანდიდატებმა გამოგვიგზავნეთ CV. წერილის სათაურში მიუთითეთ: „Facade Engineer“.