სამეურნეო სამსახურის უფროსი

კომპანია "Glass Work" წარმოადგენს ყველაზე დიდ მინის საწარმოს საქართველოში, რომლის საწარმოო ფართი 32000 კვ.მ-ზეა განთავსებული. "Glass Work"-ის საწარმოო ხაზი აღჭურვილია თანამედროვე დანადგარებით და სპეც-ტექნიკით, ხოლო მაღალკვალიფიციური პერსონალი, უცხოელი სპეციალისტების ჩართულობით უზრუნველყოფს პროდუქციის უმაღლეს ხარისხს.

კომპანია "Glass Work" აცხადებს ვაკანსიას სამეურნეო სამსახურის უფროსის პოზიციაზე.

სამუშაო ადგილი: ქ. თბილისი, რუსთავის გზ. 50 (ქვემო ფონიჭალა)

სამუშაო დღეები: ორშაბათი - პარასკევი (კვირაში 5 დღე)

სამუშაო დრო: 09:00-18:00

განაკვეთი: სრული

ანაზღაურება: ფიქსირებული 2000 ლარი

სამეურნეო სამსახურის უფროსი არის ორგანიზაციის, დაწესებულების ან საწარმოს მენეჯმენტის წევრი, რომელიც ხელმძღვანელობს შენობა-ნაგებობების მოვლა-პატრონობას, მატერიალურ-ტექნიკურ უზრუნველყოფას, ინვენტარის აღრიცხვას, სისუფთავისა და უსაფრთხოების ნორმების დაცვას. ეს პოზიცია უზრუნველყოფს კომპანიის ყოველდღიური სამეურნეო და ლოგისტიკური პროცესების გამართულ მუშაობას.

ძირითადი მოვალეობები:

** ხელმძღვანელობს კომპანიის/საწარმოს სამეურნეო საქმიანობას;

** ხელმძღვანელობს და მონიტორინგს უწევს კომპანიის ტექნიკური პერსონალის საქმიანობას;

** კომპანიის თანამშრომლებს ამარაგებს საკანცელარიო და სამეურნეო ნივთებით;

** ახორციელებს საწარმოო შენობების, საოფისე ოთახების, ტექნიკური კაბინეტების, ასევე სხვა ქონების ტექნიკური მდგომარეობის კონტროლს;

** ხელმძღვანელობს და აკონტროლებს საწარმოო ტერიტორიის დასუფთავების, კეთილმოწყობისა და გამწვანების სამუშაოებს;

** უზრუნველყოფს მრიცხველების გამართულ მუშაობას და ადგენს ყოველთვიურ ანგარიშს კომუნალური ხარჯების შესახებ.

** უზრუნველყოფს კომპანიის ქონების საინვენტარო აღრიცხვას, მონაწილეობას იღებს საწარმოო ქონების ინვენტარიზაციაში და აწარმოებს შესაბამის დოკუმენტაციას;

** უზრუნველყოფს მატერიალური რესურსის საჭიროებების დადგენას;

** კოორდინირებას უწევს კომპანიის მიერ შესყიდული მატერიალური რესურსის დანიშნულების ადგილამდე მიტანას და დასაწყობებას;

** უზრუნველყოფს კომუნიკაციებისა და ინვენტარის მიმდინარე ან კაპიტალური შეკეთების ორგანიზებას;

** იცავს დამსაქმებლის მიერ დადგენილი შრომის, ტექნიკური, ხანძარსაწინააღმდეგო თუ სხვა უსაფრთხოების წესებს;

საკვალიფიკაციო მოთხოვნები:

** მინიმუმ ერთწლიანი სამუშაო გამოცდილება მატერიალური რესურსების მართვის მიმართულებით;

** კომპიუტერული პროგრამების (Microsoft Office Word; Microsoft Office Excel) ცოდნა.

დაინტერესების შემთხვევაში, გთხოვთ, გამოაგზავნოთ CV ელექტრონულ მისამართზე: სათაურის ველში აუცილებლად მიუთითეთ მიუთითეთ პოზიციის დასახელება.