საქმეთა მწარმოებელი

კომპანიის შესახებ:

"დეკოლაინი" დლ ჯგუფის წევრი კომპანიაა, რომელიც 2016 წლიდან ახორციელებს კომერციული დანიშნულების ობიექტების მშენებლობას, რეკონსტრუქციასა და სარემონტო სამუშაოებს.

კომპანიის საქმიანობა ეფუძნება ერთიან საოპერაციო მოდელს: დამტკიცებულ ბიზნეს-პროცესებს, დოკუმენტბრუნვის სტანდარტს, უფლებამოსილებათა ლიმიტებსა და გაზომვად შედეგებს.

პოზიციის დანიშნულება:

სამუშაო საქმეთა მწარმოებელი პასუხისმგებელია ობიექტზე სამუშაოების ორგანიზებასა და მართვაზე მობილიზაციიდან ჩაბარებამდე, დამტკიცებული საბაზისო გეგმის, ბიუჯეტის, საპროექტო დოკუმენტაციის, სამშენებლო ნორმებისა და შრომის უსაფრთხოების მოთხოვნების შესაბამისად.

კომპანიის ძირითადი წესი: ეტაპი დასრულებულად ითვლება მხოლოდ მაშინ, როცა მისი დოკუმენტი შექმნილია და სისტემაშია რეგისტრირებული. ზეპირი შეთანხმება ვალდებულებად არ ითვლება.

ფუნქციები და მოვალეობები:

ობიექტის მომზადება და მობილიზაცია:

• კალენდარული გრაფიკის შედგენა და საბაზისო გეგმის დამტკიცებაში მონაწილეობა
• ობიექტის საწყისი მდგომარეობის აქტისა და რისკების სიის მომზადება
• მობილიზაციის ორგანიზება: შემოღობვა, დროებითი ელექტრო- და წყალმომარაგება, ობიექტის საწყობი
• გეოდეზიური აღნიშვნის ორგანიზება და საბაზისო ნიშნულების დაფიქსირება
• სამუშაო ფრონტის მიღება დამკვეთისგან მიღება-გადაცემის აქტით

ქვეკონტრაქტორების მართვა:

• ბრიგადებისა და ქვეკონტრაქტორების შერჩევა და მართვა
• ფრონტისა და მასალის გადაცემა ოქმით
• შესრულებული სამუშაოს აზომვა და მიღება-ჩაბარების აქტის გაფორმება
• ქვეკონტრაქტორის ანაზღაურების საფუძვლის მომზადება მხოლოდ გაფორმებული აქტით

ობიექტის ოპერაციული მართვა:

• სამუშაოების ყოველდღიური ორგანიზება და სამუშაო ძალის განაწილება
• ობიექტის დღიური ჟურნალის წარმოება და პროგრესის ფოტოფიქსაცია
• კვირეული ანგარიშის წარდგენა კომპანიის დირექტორისთვის
• მომიჯნავე მხარეებთან კოორდინაცია და ობიექტის ფიზიკური დაცვის უზრუნველყოფა

მატერიალური რესურსი:

• მასალის მოთხოვნის წარდგენა არანაკლებ 5 სამუშაო დღით ადრე
• მასალის მიღება ზედნადებით და მიღების ოქმის რეგისტრაცია 48 საათის განმავლობაში
• მასალის შენახვის, შიდა გადაადგილებისა და ჩამოწერის აღრიცხვა
• მასალის სერტიფიკატების რეესტრის წარმოება

ცვლილებების მართვა:

• ცვლილებებისა და დამატებითი სამუშაოების დაფიქსირება ცვლილების მოთხოვნის ფორმით
• ცვლილების შესრულება მხოლოდ დამკვეთის წერილობითი თანხმობის შემდეგ
• ობიექტის ცვლილებების რეესტრის წარმოება

ხარისხის კონტროლი:

• ფარული სამუშაოების მიღება დაფარვამდე, აქტითა და ფოტოფიქსაციით
• ლაბორატორიული ტესტირებისა და ინჟინრული სისტემების გამოცდის ორგანიზება
• შეუსაბამობის აქტებით (NCR) დაფიქსირებული ხარვეზების აღმოფხვრა
• ავტორისა და დამკვეთის ზედამხედველობასთან თანამშრომლობა

შრომის უსაფრთხოება:

• ობიექტზე დაშვება მხოლოდ ინსტრუქტაჟის გავლის შემდეგ
• უსაფრთხოების გეგმის შესრულება და უსაფრთხოების სპეციალისტის მითითებების დაცვა

ჩაბარება, დემობილიზაცია და დახურვა:

• აზომვითი უწყისის მომზადება, როგორც ფორმა No2-ის საფუძვლისა
• შიდა ხარისხის აუდიტსა და დამკვეთთან ჩაბარებაში მონაწილეობა
• ხარვეზების ოქმით დაფიქსირებული შენიშვნების აღმოფხვრა
• დემობილიზაციის ორგანიზება და ობიექტის არქივის (მათ შორის As-Built მასალის) გადაცემა
• ინვენტარიზაციაში მონაწილეობა და ობიექტის ფაქტიური მონაცემების სისრულის დადასტურება
• საგარანტიო პერიოდში მიმართვებზე რეაგირების ორგანიზება

ფუნქციების გამიჯვნა:

კომპანიაში კონტროლის ფუნქციები გამიჯნულია: ერთი პირი პროცესს თავიდან ბოლომდე არ აკონტროლებს. აქედან გამომდინარე, სამუშაო საქმეთა მწარმოებელი:

• შესყიდვა: მასალასა და ტექნიკას ითხოვს, თუმცა შესყიდვას არ ახორციელებს. შესყიდვას ახორციელებს შესყიდვების სამსახური.
• ფინანსები: გადახდას პირადად არ ახორციელებს და არ ინიცირებს. გადახდა ხორციელდება მხოლოდ დამტკიცებული შეკვეთისა და გაფორმებული აქტის საფუძველზე.
• ფორმა No2: ადგენს აზომვით უწყისს. ფორმა No2-ს ავსებს ხარჯთაღრიცხვის სპეციალისტი.
• ცვლილებები: ფასისა და ვადის ცვლილებაზე გადაწყვეტილებას დამოუკიდებლად არ იღებს. ცვლილება მტკიცდება დადგენილი ლიმიტებით.
• უსაფრთხოება: უსაფრთხოების სპეციალისტის ვიზის გარეშე მობილიზაცია დასრულებულად არ ითვლება.

საკვალიფიკაციო მოთხოვნები:

გამოცდილება:

• სამუშაოთა მწარმოებლად ან ობიექტის ხელმძღვანელად მუშაობის გამოცდილება მინიმუმ 5 წელი;
• სასურველია 10 წელი და მეტი
• კომერციული დანიშნულების ობიექტებზე (საოფისე, სავაჭრო, საცალო) მუშაობის გამოცდილება
• ახალ მშენებლობაზე, რეკონსტრუქციასა და შიდა სარემონტო სამუშაოებზე მუშაობის გამოცდილება
• რამდენიმე ქვეკონტრაქტორის ერთდროული მართვის გამოცდილება

განათლება:

• უმაღლესი ტექნიკური განათლება მშენებლობის ან სამოქალაქო ინჟინერიის მიმართულებით

პროფესიული ცოდნა:

• არქიტექტურული, კონსტრუქციული და ინჟინრული ნახაზების კითხვა
• სამუშაოთა მოცულობების დათვლა და აზომვა
• სამშენებლო ნორმებისა და წესების, სამუშაოთა ტექნოლოგიისა და თანმიმდევრობის ცოდნა
• საშემსრულებლო დოკუმენტაციის (აქტები, ოქმები, აზომვითი უწყისი) წარმოება
• შრომის უსაფრთხოების კანონმდებლობის ცოდნა

კომპიუტერული პროგრამები

• MS Word და MS Excel — თავისუფლად

ენები:

• ქართული — სრულყოფილად
• ინგლისური ან რუსული — სასურველია (ტექნიკური დოკუმენტაციისა და სპეციფიკაციების გასაცნობად)

კომპეტენციები — კომპანიის ხუთი ღირებულება:

• პროფესიონალიზმი: სამუშაოს ასრულებს ნორმისა და სტანდარტის შესაბამისად და შედეგს ადასტურებს აქტით, ოქმით ან ფოტოთი.
• პასუხისმგებლობა: შედეგზე პასუხს აგებს ბოლომდე. პრობლემას თავად აფიქსირებს და ვადის დარღვევის რისკზე წინასწარ, წერილობით აფრთხილებს.
• კეთილსინდისიერება: კომპანიის ფულს, მასალასა და დროს უფრთხილდება და მომწოდებლისგან პირად სარგებელს არ იღებს.
• ერთგულება: ფიქრობს ობიექტის მთლიან შედეგზე და არა მხოლოდ საკუთარ მონაკვეთზე.
• წინდახედულობა: რესურსს დროულად ითხოვს, რისკს ადრეულ ეტაპზე ავლენს და უსაფრთხოების წესს არ უგულებელყოფს.

უპირატესობა:

• ინჟინრული სისტემების (ელექტრომომარაგება, წყალმომარაგება და კანალიზაცია, ვენტილაცია) მონტაჟისა და გაშვების გამოცდილება
• B კატეგორიის მართვის მოწმობა

შედეგის შეფასება:

საქმიანობა ფასდება გაზომვადი მაჩვენებლებით (KPI), ობიექტის გეგმისა და ფაქტის შედარები