აზიური სამზარეულოს შეფ-კონსულტანტი

არსებული კვების ობიექტი აცხადებს ვაკანსიას აზიური სამზარეულოს შეფ-კონსულტანტის პოზიციაზე.

ვგეგმავთ ჩვენს მოქმედ კვების ობიექტში თანამედროვე აზიური სამზარეულოს მიმართულების დამატებას, რომელიც მიტანისა სერვისზე (Delivery) იქნება ორიენტირებული.

კონცეფცია მოიცავს ისეთ მიმართულებებს, როგორიცაა:

** სუში და სხვადასხვა სახეობის როლები;

** აზიური ნუდლსები / ატრიის კერძები;

** Wok-ზე მომზადებული კერძები;

** შემწვარი ბრინჯი სხვადასხვა დანამატით — ქათმით, საქონლის ხორცით, ზღვის პროდუქტებით ან ბოსტნეულით;

** აზიური სტილის სუპები, მათ შორის Ramen, Tom Yum და მსგავსი ტიპის კერძები;

ვეძებთ გამოცდილ ადამიანს, რომელიც სრულად დაგვეხმარება აღნიშნული მიმართულების კონცეფციის შექმნაში, მენიუს ფორმირებაში, სტანდარტიზაციასა და შემდგომ განვითარებაში.

შენი როლი იქნება:

** კონკურენტუნარიანი და Delivery-ზე მორგებული აზიური მენიუს შემუშავება;

** სუშის, როლების, ნუდლსების, Wok კერძების, შემწვარი ბრინჯის, აზიური სუპებისა და სხვა შესაბამისი კერძების რეცეპტურის შექმნა;

** ინგრედიენტების ზუსტი ჩამონათვალის, გრამაჟების, გამოსავლიანობისა და პორციის სტანდარტის განსაზღვრა;

** თითოეული კერძის მომზადების ტექნოლოგიისა და სამუშაო პროცესის სტანდარტიზაცია;

** საჭირო ნედლეულის, სოუსების, სანელებლებისა და ნახევარფაბრიკატების შერჩევა;

** არსებული სამზარეულოს თანამშრომლების პრაქტიკული გადამზადება აზიური კერძების მომზადების მიმართულებით;

** მზარეულებისთვის კერძის მომზადების სწავლება;

** ობიექტზე (პერიოდულად) კერძების გემოს, ხარისხის, ვიზუალის, გრამაჟისა და სტაბილურობის კონტროლი;

** ახალი მზარეულის დამატების შემთხვევაში მისი შესაბამისი გადამზადება და სტანდარტებში ჩართვა;

** პერიოდული ვიზიტები ობიექტებზე და ხარისხის კონტროლი;

** მენიუს პერიოდული ანალიზი და საჭიროების შემთხვევაში ახალი კერძების დამატება, არსებული პოზიციების გაუმჯობესება ან ჩანაცვლება;

მოთხოვნები:

** აზიური / Pan-Asian სამზარეულოს მიმართულებით პრაქტიკული სამუშაო გამოცდილება;

** სუშისა და როლების, ნუდლსების, Wok კერძების, აზიური ბრინჯის, სუპებისა და სოუსების მომზადების გამოცდილება;

** მაღალი პასუხისმგებლობის გრძნობა და ხარისხზე ორიენტირებული მიდგომა;

რას გთავაზობთ:

** შესაძლებლობას, ნულიდან ჩამოაყალიბოთ და განავითაროთ აზიური სამზარეულოს დამოუკიდებელი მიმართულება;

** მუშაობას უკვე მოქმედ კვების ობიექტთან და არსებულ სამზარეულოს გუნდთან;

** თავისუფალ და მოქნილ სამუშაო ფორმატს;

** არ არის აუცილებელი ობიექტზე ყოველდღიური ყოფნა — საწყისი ეტაპის დასრულების შემდეგ თანამშრომლობა ძირითადად მოიცავს პერიოდულ ვიზიტებს, ხარისხის კონტროლს, გუნდის ტრენინგსა და მენიუს განვითარებას;

** გრძელვადიან თანამშრომლობას წარმატებული კონცეფციის შემთხვევაში;

** ანაზღაურების მოტივაციურ სისტემას — აზიური სამზარეულოს მიმართულებიდან მიღებული შემოსავლის შეთანხმებული პროცენტი.

სამუშაო ფორმატი:

** ადგილმდებარეობა: თბილისი, ცენტრალური საბურთალო;

** დასაქმების ფორმა: მოქნილი / საკონსულტაციო თანამშრომლობა;

** საწყის ეტაპზე საჭიროა პროექტში აქტიური ჩართულობა — მენიუს შექმნა, ტექნიკური ბარათების მომზადება, კერძების ტესტირება და გუნდის გადამზადება;

** შემდგომ ეტაპზე — პერიოდული ვიზიტები, ხარისხის კონტროლი, ახალი თანამშრომლების ტრენინგი და მენიუს პერიოდული განახლება;

** ანაზღაურება: აზიური სამზარეულოს მიმართულებიდან მიღებული შემოსავლის შეთანხმებული პროცენტი.

დაინტერესების შემთხვევაში, გთხოვთ, გამოგვიგზავნოთ თქვენი CV ან ინფორმაცია სამუშაო გამოცდილების შესახებ.

დაკავშირება მოხდება შერჩეულ კანდიდატებთან.