სასკოლო კომუნიკაციების კოორდინატორი / ცხელი ხაზი
„ბაქსვუდის სკოლა - თბილისი“ აცხადებს ვაკანსიას 2026-2027 სასწავლო წლის სასკოლო კომუნიკაციების კოორდინატორის (ცხელი ხაზი) პოზიციაზე გელოვანის კამპუსში.
ბაქსვუდის სკოლა მოწოდებულია შექმნას ურთიერთპატივისცემაზე დაფუძნებული გარემო. დასაქმების დროს ყველა კვალიფიციური აპლიკანტის განცხადება განიხილება თანასწორობის პრინციპის დაცვით. ბაქსვუდის საერთაშორისო სკოლა 2000 წელს შეიქმნა გაეროს ასოციაციის საერთაშორისო სკოლის სახელით თბილისში. 2007 წლიდან სკოლა ზემო წყნეთში გადავიდა, სადაც უკვე 2009 წელს ბაქსვუდის სკოლის სახელი მიიღო. ასე შეიქმნა პირველად საქართველოში ტრადიციულ ბრიტანულ საგანმანათლებლო მოდელზე აგებული სასწავლო სივრცე, რომელსაც უკვე 26 წლიანი გამოცდილება აქვს განათლების სფეროში. 2023 წლიდან ფუნქციონირებს ბაქსვუდის სკოლის ახალი კამპუსი გელოვანზე.
კონკურსის წესები და ეტაპები
- პირველი ეტაპი მოიცავს წარმოდგენილი დოკუმენტაციის საკვალიფიკაციო მოთხოვნების მიხედვით შერჩევას;
- მეორე ეტაპზე ჩატარდება გასაუბრება საფეხურის ხელმძღვანელთან;
- მესამე ეტაპზე გასაუბრება სკოლის აკადემიურ დირექტორთან და პერსონალის მართვის და განვითარების მენეჯერთან
კონკურსის მიმდინარეობისას, სკოლა პროაქტიულად დაუკავშირდება მხოლოდ შემდგომ ეტაპზე გადასულ კანდიდატს. კონკურსის დასრულების შემდეგ, ნებისმიერ აპლიკანტს უფლება აქვს მოითხოვოს ინფორმაცია შედეგების შესახებ საქართველოს კანონმდებლობით დადგენილი წესით.
განათლება
- უმაღლესი განათლება კომუნიკაციების, სოციალური მეცნიერებების, ბიზნესის ადმინისტრირების ან მომიჯნავე მიმართულებით (შესაძლებელია დამამთავრებელი კურსის სტუდენტიც).
სამუშაო გამოცდილება
- მომსახურების სფეროში ან საგანმანათლებლო სფეროში მუშაობის გამოცდილება ჩაითვლება უპირატესობად.
საჭირო კომპეტენციები
- ქართული და ინგლისური ენების ფლობა;
- სატელეფონო კომუნიკაციისა სტანდარტის ცოდნა (ხმის ტემბრი, საუბრის მანერა, აქტიური მოსმენა);
- ინფორმაციის სწრაფი დამუშავებისა და ადრესატამდე (სკოლის შესაბამის დეპარტამენტამდე) ზუსტად გადამისამართების უნარი;
- ციფრული წიგნიერება: ტელეფონიის სისტემებთან, ბაზებთან, საოფისე პროგრამებსა და ელექტრონულ ფოსტასთან მუშაობის გამოცდილება;
- სკოლის სტრუქტურის, სასწავლო პროგრამების, მიღების პროცედურებისა და შიდა რეგულაციების მოკლე დროში საფუძვლიანად შესწავლის უნარი;
- პირველადი ინფორმაციის მიწოდებისა და პოტენციური მშობლების ინტერესების იდენტიფიცირების კომპეტენცია.
პიროვნული თვისებები და უნარები
- მაღალი ემპათია, კეთილგანწყობა, თავაზიანობა და მომსახურების მაღალი კულტურა;
- ემოციური მდგრადობა, მოთმინება და მშობლებთან კონსტრუქციული საუბრის წარმართვის უნარი;
- სტრესულ პირობებში და მაღალი დატვირთვის რეჟიმში სწრაფი, ორიენტირებული და ეფექტიანი მუშაობის უნარი;
- გამართული მეტყველება და აზრის ნათლად, გასაგებად და მოკლედ ჩამოყალიბების უნარი;
- პუნქტუალურობა, ორგანიზებულობა და დეტალებზე ორიენტირებულობა (მონაცემთა ბაზაში ინფორმაციის ზუსტი ასახვა);
- გუნდურობა და სკოლის ყველა დეპარტამენტთან ოპერატიული, პოზიტიური თანამშრომლობის უნარი.
სამუშაო დატვირთვა
- 09:15 საათიდან - 17:00 საათამდე (ორშაბათი-პარასკევი)
ჩვენ გთავაზობთ
- სასიამოვნო და გუნდურ გარემოში მუშაობას;
- პროფესიული განვითარების შესაძლებლობას;
- კვებას
ანაზღაურება: ბაქსვუდში ანაზღაურების წესი ინდივიდუალურია და განისაზღვრება კანდიდატთან შეთანხმებით საკონკურსო კრიტერიუმების შესაბამისად.
გთხოვთ, დაინტერესებულმა პირებმა გადმოაგზავნეთ თქვენი რეზიუმე ელექტრონულ მისამართზე. სათაურის ველში მიუთითეთ პოზიციის დასახელება - სასკოლო კომუნიკაციების კოორდინატორი (ცხელი ხაზი)
ბაქსვუდის სკოლა მადლობას გიხდით დაინტერესებისათვის.