B2B გაყიდვებისა და ბიზნესის განვითარების მენეჯერი

კომპანიის შესახებ: Miracle Groupe არის საქართველოში შემომავალი იმპორტიორი კომპანია, რომლის საქმიანობის მიმართულებაა იორდანიიდან მკვდარი ზღვის მინერალებზე დაფუძნებული თავის მოვლის საშუალებების იმპორტი და რეალიზაცია.

ჩვენი პროდუქციის ასორტიმენტი მოიცავს სახის ნიღბებს, საპნებს, სააბაზანო მარილებს, სახისა და ხელის კრემებსა და სხვა კოსმეტიკურ საშუალებებს.

კომპანია ორიენტირებულია მხოლოდ B2B გაყიდვებზე და თანამშრომლობს ბიზნესპარტნიორებთან, სავაჭრო ქსელებთან, კოსმეტიკის მაღაზიებთან, აფთიაქებთან, სასტუმროებთან, სპა ცენტრებთან და სილამაზის სფეროში მოქმედ სხვა კომპანიებთან.

საქართველოს ბაზარზე საქმიანობის დაწყების ეტაპზე ვეძებთ მოტივირებულ, კომუნიკაბელურ და მიზანმიმართულ თანამშრომელს, რომელიც აქტიურად ჩაერთვება ბიზნესპარტნიორების მოძიებასა და კომპანიის გაყიდვების განვითარებაში.

ძირითადი მოვალეობები: - პოტენციური B2B კლიენტებისა და ბიზნესპარტნიორების მოძიება და მათთან საქმიანი ურთიერთობების დამყარება; - სავაჭრო ქსელებთან, კოსმეტიკის მაღაზიებთან, აფთიაქებთან, სასტუმროებთან, სპა ცენტრებთან და სხვა შესაბამის კომპანიებთან კომუნიკაცია; - პროდუქციის პროფესიონალური პრეზენტაციების მომზადება და ჩატარება; - კომპანიის პროდუქციის, შემადგენლობის, უპირატესობებისა და გამოყენების თავისებურებების წარდგენა პოტენციური პარტნიორებისთვის; - ბიზნესშეხვედრების დაგეგმვა და ჩატარება, მათ შორის პირისპირ და ონლაინ ფორმატში; - პარტნიორებთან კომერციულ პირობებზე, ფასებზე, შეკვეთებსა და თანამშრომლობის შესაძლებლობებზე მოლაპარაკება; - ახალი კლიენტების მოზიდვა და გრძელვადიანი საქმიანი ურთიერთობების განვითარება; - კომერციული შეთავაზებების, პრეზენტაციებისა და პროდუქციის საინფორმაციო მასალების მომზადებაში მონაწილეობა; - კლიენტების მოთხოვნების შესწავლა და მათთვის შესაბამისი პროდუქციისა და თანამშრომლობის პირობების შეთავაზება; - პოტენციურ პარტნიორებთან კომუნიკაციისა და გაყიდვების პროცესის სისტემატური მართვა; - ბაზრის, კონკურენტებისა და მომხმარებელთა მოთხოვნის შესწავლა; - გაყიდვების შედეგების აღრიცხვა, პერიოდული ანგარიშგება და ხელმძღვანელისთვის ინფორმაციის მიწოდება; - კომპანიის ცნობადობისა და პროდუქციის საბაზრო პოზიციის გაზრდაზე მუშაობა.

საკვალიფიკაციო მოთხოვნები:

ქართული ენის სრულყოფილად ცოდნა;

ინგლისური ენის სასაუბრო დონეზე ცოდნა — სავალდებულოა;

რუსული ენის ცოდნა ჩაითვლება უპირატესობად;

სასურველია გამოცდილება გაყიდვების, ბიზნესგანვითარების ან კლიენტებთან ურთიერთობის მიმართულებით;

გამართული კომუნიკაციისა და პრეზენტაციის უნარი;

საქმიანი მოლაპარაკებების წარმართვისა და პარტნიორული ურთიერთობების დამყარების უნარი;

პროდუქციის დამაჯერებლად წარდგენისა და კომერციული შეთავაზებების მომზადების უნარი;

პასუხისმგებლობის მაღალი გრძნობა, ორგანიზებულობა და შედეგზე ორიენტირებულობა;

დამოუკიდებლად მუშაობისა და ინიციატივის გამოჩენის უნარი;

საოფისე პროგრამებისა და ელექტრონული კომუნიკაციის საშუალებების საბაზისო ცოდნა.

პიროვნული თვისებები: - აქტიურობა და ინიციატივიანობა; - თავდაჯერებული და პროფესიონალური კომუნიკაცია; - მიზანდასახულობა და შედეგებზე ორიენტირებულობა; - პუნქტუალურობა და პასუხისმგებლობა; - გუნდური მუშაობის უნარი; - ახალი ინფორმაციის სწრაფად ათვისების უნარი.

*გამოცდილების არქონის შემთხვევაშიც განვიხილავთ მოტივირებულ კანდიდატებს, რომლებსაც აქვთ სწავლის სურვილი, კომუნიკაციის კარგი უნარი და ბიზნესის განვითარების ინტერესი, თუმცა ინგლისური ენის სასაუბრო დონეზე ცოდნა აუცილებელი მოთხოვნაა.

დაინტერესებულ კანდიდატებს გთხოვთ, გამოაგზავნონ რეზიუმე (CV) და მიუთითონ საკონტაქტო ინფორმაცია.