ფილიალის მენეჯერი
"UniCom აცხადებს ვაკანსიას ფილიალის მენეჯერის პოზიციაზე.
სამუშაო პირობები
- სამუშაო ადგილი: ბათუმი, ი. ჭავჭავაძის ქ. №3;
- სამუშაო გრაფიკი: კვირაში 40 საათი;
- ანაზღაურება: 2, 500 + ბონუსი.
კომპანიის შესახებ:
"UniCom" არის ტექნიკის მაღაზიათა ქსელი, რომელიც საქართველოს ბაზარზე 2006 წლიდან საქმიანობს.
ჩვენი მიზანია მომხმარებლისთვის თანამედროვე ტექნოლოგიები გავხადოთ ხელმისაწვდომი და პროფესიონალური კონსულტაციით დავეხმაროთ მის საჭიროებებზე მორგებული, სწორი არჩევანის გაკეთებაში.
ჩვენთვის მნიშვნელოვანია მომხმარებლის ნდობა, კვალიფიციური მომსახურება, პასუხისმგებლობა, სამართლიანობა და გუნდური მუშაობა.
კომპანიის განვითარებასთან ერთად ვეძებთ ძლიერ და შედეგზე ორიენტირებულ ადამიანებს, რომლებსაც სურთ პროფესიული ზრდა და კომპანიის წარმატებაში საკუთარი წვლილის შეტანა.
ვეძებთ პასუხისმგებლიან, ლიდერული უნარების მქონე და შედეგზე ორიენტირებულ მენეჯერს, რომელიც შეძლებს გუნდის ეფექტურად მართვას, გაყიდვების შედეგების გაუმჯობესებას და ფილიალის ყოველდღიური საქმიანობის ორგანიზებას.
ძირითადი მოვალეობები
- ფილიალის ყოველდღიური საქმიანობის ორგანიზება, მართვა და საოპერაციო პროცესების ეფექტიანობის უზრუნველყოფა;
- გაყიდვების გეგმის შესრულების უზრუნველყოფა, შედეგების ანალიზი და გაუმჯობესების ღონისძიებების დაგეგმვა;
- გუნდის მართვა, მოტივაცია, განვითარება: თანამშრომელთა ინდივიდუალური შედეგების შეფასება და მონიტორინგი;
- ახალი თანამშრომლების ადაპტაციისა და სამუშაო პროცესში ეფექტურად ჩართვის უზრუნველყოფა;
- თანამშრომლების სამუშაო გრაფიკის დაგეგმვა და ოპტიმალურად განაწილება, სამუშაო დისციპლინის კონტროლი;
- გაყიდვების მონიტორინგი;
- მომხმარებელთა მომსახურების მაღალი სტანდარტის უზრუნველყოფა და პრობლემური სიტუაციების ეფექტურად მართვა;
- სავაჭრო დარბაზის, სტენდების, პროდუქციის განთავსებისა და კომპანიის საოპერაციო სტანდარტების კონტროლი;
- გუნდში ჯანსაღი, სამართლიანი და შედეგზე ორიენტირებული სამუშაო გარემოს შექმნა;
- ფილიალის შედეგებისა და არსებული გამოწვევების შესახებ დირექტორისთვის პერიოდული ანგარიშგება;
- გაყიდვების, მომსახურებისა და სამუშაო პროცესების გაუმჯობესებისთვის ინიციატივების შემუშავება და განხორციელება.
საკვალიფიკაციო მოთხოვნები
- უმაღლესი განათლება ბიზნესის ადმინისტრირების, მენეჯმენტის, მარკეტინგის ან მომიჯნავე მიმართულებით;
- მსგავს პოზიციაზე მუშაობის არანაკლებ 2 წლიანი სამუშაო გამოცდილება, სასურველია რითეილის სფეროში;
- საცალო ვაჭრობის (Retail) სფეროში მუშაობის გამოცდილება ჩაითვლება უპირატესობად;
- საოპერაციო პროცესების მართვისა და კონტროლის გამოცდილება;
- მომხმარებელთა მომსახურების მაღალი სტანდარტების ცოდნა;
- გუნდის მართვისა და ლიდერობის ძლიერი უნარები.
პიროვნული უნარ-ჩვევები
- შედეგზე ორიენტირებულობა და პასუხისმგებლობის მაღალი გრძნობა;
- ძლიერი ორგანიზაციული და კომუნიკაციის უნარები;
- პრობლემების დამოუკიდებლად გადაჭრისა და გადაწყვეტილებების მიღების უნარი;
- ანალიტიკური აზროვნება.
შერჩევის ეტაპები
- რეზიუმეების გადარჩევა;
- გასაუბრება.
თუ გსურთ გახდეთ ჩვენი გუნდის წევრი, გამოაგზავნეთ თქვენი რეზიუმე (CV) ელფოსტაზე.
გთხოვთ, განაცხადის სათაურში (Subject) მიუთითოთ: "ფილიალის მენეჯერი - ბათუმი".
აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით.